FD, NSC, SCSS, RD की SIP... ५ वर्षात कोणती स्कीम देईल किती रिटर्न; कुठे होऊ शकते सर्वाधिक कमाई?
By जयदीप दाभोळकर | Updated: May 29, 2025 09:11 IST2025-05-29T08:39:44+5:302025-05-29T09:11:43+5:30
जर तुम्हाला मिड टर्मसाठी पैसे गुंतवायचे असतील, तर तुम्हाला अशा अनेक योजना सापडतील ज्यामध्ये तुम्ही ५ वर्षांसाठी पैसे गुंतवून चांगला नफा मिळवू शकता.
जर तुम्हाला मिड टर्मसाठी पैसे गुंतवायचे असतील, तर तुम्हाला अशा अनेक योजना सापडतील ज्यामध्ये तुम्ही ५ वर्षांसाठी पैसे गुंतवून चांगला नफा मिळवू शकता. पोस्ट ऑफिस आरडी, एफडी, एनएससी, एससीएसएस किंवा एसआयपी, यापैकी कोणत्या योजनांमध्ये तुम्ही गुंतवणूक करू शकता आणि जास्तीत जास्त नफा मिळवू शकता. आपण हे कॅलक्युलेशनद्वारे समजून घेण्याचा प्रयत्न करू.
Post Office FD
जर तुम्ही पोस्ट ऑफिसच्या ५ वर्षांच्या एफडीमध्ये ५,००,००० रुपये गुंतवले तर तुम्हाला त्यावर ७.५% व्याज मिळेल. ५ वर्षात तुम्हाला ७.५% दरानं २,२४,९७४ रुपये व्याज मिळेल आणि मॅच्युरिटी रक्कम ७,२४,९७४ रुपये असेल.
NSC
पोस्ट ऑफिस एनएससी योजनेत ५ वर्षांसाठीदेखील गुंतवणूक केली जाते. या योजनेवर ७.७% व्याज दिलं जात आहे. जर तुम्ही त्यात गुंतवणूक केली तर तुम्हाला ७.७% दरानं २,२४,५१७ रुपये व्याज मिळेल आणि मॅच्युरिटीवर मिळणारी रक्कम ७,२४,५१७ रुपये असेल.
SCSS
जर तुम्ही ज्येष्ठ नागरिक असाल तर ज्येष्ठ नागरिक बचत योजना (SCSS) हा देखील गुंतवणुकीसाठी एक चांगला पर्याय आहे. तुम्ही या योजनेत ५ वर्षांसाठी एकरकमी रक्कम जमा करू शकता. ही योजना ८.२% व्याज देत आहे. या योजनेत ५,००,००० रुपये जमा केल्यावर तुम्हाला ८.२% दरानं २,०५,००० रुपये व्याज मिळेल आणि मॅच्युरिटीवर मिळणारी रक्कम ७,०५,००० रुपये असेल.
Mutual Funds Lumpsum
तुम्हाला हवं असल्यास, तुम्ही म्युच्युअल फंडमध्ये एकरकमी रक्कम देखील गुंतवू शकता. म्युच्युअल फंडाचा सरासरी परतावा १२% मानला जातो. जर तुम्ही त्यात ५,००,००० रुपये एकरकमी गुंतवले तर १२% दरानं तुम्हाला ३,८१,१७१ रुपये व्याज मिळेल आणि ५ वर्षात तुम्हाला ८,८१,१७१ रुपये मिळतील. परंतु हे लक्षात ठेवा की म्युच्युअल फंड हे मार्केट लिंक्ड स्कीम आहेत, त्यात परताव्याची कोणतीही हमी नाही.
Mutual Funds SIP
जर तुम्हाला SIP द्वारे म्युच्युअल फंडमध्ये गुंतवणूक करायची असेल तर तुम्ही ते देखील करू शकता. जर तुम्ही SIP मध्ये दरमहा ८,३३४ रुपये गुंतवले तर तुम्ही ५ वर्षात एकूण ५,००,०४० रुपये गुंतवाल. १२% दरानं, तुम्हाला १,७५,८७८ रुपये व्याज मिळेल आणि ५ वर्षात एकूण ६,७५,९१८ रुपयांचा निधी तयार होईल.
Post Office RD
जर तुम्हाला पोस्ट ऑफिस आरडीमध्ये गुंतवणूक करायची असेल तर तुम्ही हे देखील करू शकता. ही योजना ५ वर्षांसाठी आहे. यामध्ये ६.७% व्याज मिळत आहे. जर तुम्ही दरमहा ८,४०० रुपये त्यात जमा केले तर तुम्ही ५ वर्षात ५,०४,००० रुपये गुंतवाल. ६.७% दरानं, तुम्हाला ९५,४७४ रुपये व्याज मिळेल आणि मॅच्युरिटी रक्कम ५,९९,४७४ रुपये असेल.
टीप - यामध्ये सामान्य माहिती देण्यात आलेली आहे. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.