केवळ ₹२७ लाखांना पडेल ₹५० लाखांचं घर; Home Loan घेताना फक्त ही छोटी ट्रिक वापरा आणि जादू पाहा

Home Buying Trick: प्रत्येक मध्यमवर्गीय व्यक्तीचं एक स्वप्न असतं, स्वतःचं घर घेण्याचं. परंतु हे स्वप्न पूर्ण करण्यासाठी लोक अनेकदा दीर्घकाळ चालणारं गृहकर्ज घेतात. त्यानंतर ईएमआयची (EMI) शर्यत सुरू होते, जी दर महिन्याला पगाराचा मोठा हिस्सा खाऊन टाकते. लोक २०-२५ वर्षांपर्यंत ईएमआय भरत राहतात आणि एकूण मिळून घराच्या मूळ किमतीपेक्षा दुप्पट रक्कम फेडतात.

अशा परिस्थितीत एक मोठा प्रश्न उभा राहतो की, घराची किंमत वसूल करण्याचा असा कोणता मार्ग आहे का? याचं उत्तर आहे, होय, आणि तो मार्ग आहे म्युच्युअल फंड एसआयपी (Mutual Fund SIP). जर तुम्ही गृहकर्जासोबतच एसआयपीमध्ये थोडी रक्कम गुंतवायला सुरुवात केली, तर २० वर्षांनंतर घर केवळ मोफत पडणार नाही, तर तुम्हाला नफाही मिळेल.

उदाहरणार्थ पाहूया: समजा तुम्ही ५० लाख रुपयांचं घर खरेदी केलं. यासाठी ४० लाख रुपयांचे गृहकर्ज घेतलं आणि उर्वरित १० लाख रुपये तुम्ही स्वतःच्या खिशातून दिले. हे कर्ज २० वर्षांसाठी घेतले आहे, ज्यावर ८.५% व्याजदर लागू झाला. यावर तुमचा दर महिन्याचा ईएमआय ₹३४,७१३ बनेल. म्हणजेच पुढील २० वर्षे दर महिन्याला ही रक्कम चुकवावी लागेल. आता एकूण कर्ज आणि व्याज जोडल्यास, तुम्हाला ₹८३,३१,१०३ रुपये भरावे लागतील. म्हणजे तुम्ही ४० लाखांचे कर्ज घेतलं, पण चुकवले ८३ लाखांहून अधिक. याच कारणामुळे बहुतेक लोक घराला महागडा सौदा मानतात.

घराची किंमत वसूल करण्यासाठी तुम्हाला तुमच्या ईएमआयसोबत एक छोटीशी एसआयपी सुरू करायची आहे. तज्ज्ञांच्या मते, दर महिन्याला आपल्या ईएमआयचा २०-२५% हिस्सा एसआयपीमध्ये टाकला पाहिजे. जर तुम्ही ₹३४,७१३ चा ईएमआय देत असाल, तर त्याचा २५% म्हणजेच सुमारे ₹८,६७८ दर महिन्याला एसआयपीमध्ये गुंतवा. समजा तुम्हाला या एसआयपीवर सरासरी १२% परतावा मिळतो. आता याचा परिणाम पाहा काय असेल पाहूया.

एसआयपीमध्ये २० वर्षांत तुमची एकूण गुंतवणूक ₹२०,८२,४८० होईल. २० वर्षांनंतर एसआयपी कॉर्पस अंदाजे १२% परताव्यानुसार ₹८६,६९,६०६ इतका असेल. आता जेव्हा तुम्ही या दोन्हीचा एकत्रित परिणाम पाहाल, तेव्हा परिस्थिती काहीशी अशी असेल? तर तुम्ही गृहकर्जाअंतर्गत एकूण ₹८३,३१,१०३ भरले आणि एसआयपीमध्ये ₹२०,८२,४८० गुंतवले. म्हणजे एकूण रोख खर्च झाला ₹१,०४,१३,५८३. तुमच्याकडे एसआयपीचा कॉर्पस आहे: ₹८६,६९,६०६. आता हा कॉर्पस वजा केल्यास, तुमच्या घराची प्रभावी किंमत ₹१७,४३,९७७ इतकी बनते. म्हणजे, स्मार्ट आर्थिक नियोजनामुळे ५० लाख रुपयांचं घर तुम्हाला केवळ ₹२७.४३ लाख मध्ये पडले कारण १० लाख तर तुम्ही आधीच डाउन पेमेंट केलं होतं. याला म्हणतात 'स्मार्ट होम बाईंग स्ट्रॅटेजी'

जर तुम्ही तुमचे आर्थिक नियोजन थोडं समजूतदारपणे केलं, तर गृहकर्ज भीतीदायक न राहता, फायदा देणारं ठरू शकते. एसआयपीच्या माध्यमातून तुम्ही दीर्घकाळात 'कंपाउंडिंग'चा फायदा घेता, ज्यामुळे व्याजावर व्याज वाढत राहतं. म्हणजेच, एका बाजूला तुम्ही कर्ज फेडत आहात, तर दुसऱ्या बाजूला तुमचे पैसेही तुमच्यासाठी काम करत आहेत. वेल्थ क्रिएशनची हीच खरी ट्रिक आहे.

सुरुवात कशी कराल? ज्या महिन्यात तुम्ही गृहकर्जाचा पहिला ईएमआय भराल, त्याच महिन्यापासून एसआयपी सुरू करा. एसआयपीला ऑटो-डेबिटवर सेट करा, जेणेकरून ती नियमितपणे सुरू राहील. 'इक्विटी म्युच्युअल फंड' सारखे दीर्घकालीन फंड निवडा. परतावा पाहण्याऐवजी सातत्य टिकवून ठेवा.

छोटा गुंतवणूक, मोठा फायदा - गृहकर्जाचा ईएमआय आणि एसआयपीचं नातं हे व्यायाम आणि आहारासारखे आहे; दोन्ही एकत्र केल्यास परिणाम दुप्पट मिळेल. जर तुम्ही आजपासूनच ईएमआयसोबत ८-९ हजार रुपये एसआयपीमध्ये लावायला सुरुवात केली, तर २० वर्षांनंतर तुमच्याकडे घराच्या मूल्याएवढा कॉर्पस तयार होईल. आणि सर्वात महत्त्वाचं म्हणजे, जर तुम्ही हे पैसे दीर्घकाळ ठेवले, तर ते करमुक्त असतील

(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)