साप्ताहिक राशीभविष्य: ६ राशींना फायदा, मनासारखे घडेल; धनलाभ, ६ राशींना त्रासाचा, काळजी घ्या!

1 / 15

Weekly Horoscope: या सप्ताहात ५ डिसेंबर रोजी वक्री गुरू मिथुन राशीत प्रवेश करणार असून, दि. ६ डिसेंबर रोजी बुध वृश्चिक राशीत प्रवेश करील. ग्रहस्थिती अशी की, हर्षल वृषभ राशीत असून, गुरू कर्क राशीत आहे. दि. ५ रोजी गुरू मिथुन राशीत वक्री येईल. केतु सिंह राशीत आहे. बुध तूळ राशीत असून, दि. ६ रोजी तो वृश्चिक राशीत जाईल. तेथे त्याची युती रवि, मंगळ आणि शुक्र यांच्याशी होईल. प्लूटो मकर राशीत, तर राहु कुंभ राशीत आहे. शनि आणि नेपच्यून मीन राशीत आहेत.

2 / 15

चंद्राचे भ्रमण मीन, मेष, वृषभ आणि मिथुन या राशींमधून राहील. १ डिसेंबर रोजी मोक्षदा एकादशी, गीता जयंती, माणिकप्रभू पुण्यतिथी आहे. २ डिसेंबर रोजी भौम प्रदोष, सांदीपनिऋषि जयंती आहे. ४ रोजी दत्त जयंती, श्रीधर स्वामी जयंती आहे. रविवार व सोमवारी पंचक असून, सोमवारी रात्री ११.१८ वाजता पंचक सुटेल.

3 / 15

बुधाने वृश्चिक राशीत प्रवेश केला की, चतुर्ग्रही योग जुळून येत आहे. तसेच बुधादित्य, आदित्य मंगल, शुक्रादित्य असे अत्यंत शुभ राजयोग जुळून येत आहेत. तसेच वक्री गुरुच्या मिथुन राशीतील प्रवेशानंतर गजकेसरी राजयोगही जुळून येणार आहे. तुमची रास कोणती? तुमच्यासाठी हा कालावधी कसा ठरू शकेल? कोणत्या राशींवर कसा प्रभाव असेल? जाणून घ्या...

4 / 15

मेष: या आठवड्यात आरोग्याकडे विशेष लक्ष देणे आवश्यक आहे. वाहन चालवताना हलगर्जीपणा करू नका. करिअर व व्यवसायात मनासारखा प्रोजेक्ट मिळण्याची शक्यता असून त्यामुळे उत्साह वाढेल; मात्र कार्यक्षेत्रातील राजकारणापासून दूर राहणेच योग्य. प्रेमसंबंधांमध्ये पुढे जाण्याची संधी मिळेल, तर वैवाहिक नात्यात संयम व समजूतदारपणा आवश्यक आहे. एखाद्या प्रभावशाली व्यक्तीमुळे नुकसान होण्याची शक्यता नाकारता येत नाही. आर्थिक स्थिती तितकीशी अनुकूल नसल्याने कोणताही मोठा खर्च व गुंतवणूक विचारपूर्वक करा. विद्यार्थ्यांचे लक्ष अभ्यासापासून विचलित होण्याची शक्यता असून, अनावश्यक गोष्टींमध्ये वेळ वाया जाऊ शकतो; मात्र एखाद्या संशोधनात्मक किंवा ज्ञानवर्धक उपक्रमात भाग घेतल्यास उत्तम लाभ मिळेल. एकूणच, आठवडा सावधगिरी व सकारात्मकतेने हाताळावा.

5 / 15

वृषभ: या आठवड्यात आरोग्याकडे दुर्लक्ष करू नये. व्यवसाय करणाऱ्यांसाठी हा आठवडा मेहनतीचा असून, सातत्याने प्रयत्न केल्यास यश मिळेल. नोकरीत सहकाऱ्यांशी सौहार्द ठेवा आणि टीमवर्कला महत्त्व द्या. प्रेमसंबंधांमध्ये स्थिरता दिसेल. वैवाहिक जीवन आनंदी असून जोडीदारासोबत छोट्या ट्रिपचा बेत आखू शकता. आर्थिक स्थिती चांगली राहील, उत्पन्न वाढवण्यासाठी नवीन उपाय योजता येतील. आवश्यक असल्यास लोनही वेळेत मिळेल. विद्यार्थ्यांसाठी आठवडा अत्यंत अनुकूल, स्पर्धा परीक्षांची तयारी सोशल मीडियापासून दूर राहून केल्यास चांगले यश मिळेल. एकूणच, मेहनत व शिस्त हेच आठवड्याचे सूत्र.

6 / 15

मिथुन: स्क्रीनसमोर जास्त वेळ घालवू नये, अन्यथा डोळ्यांचा ताण वाढू शकतो. व्यवसायात नवीन लोकांची मदत किंवा मार्गदर्शन लाभदायक ठरेल. नोकरीत अत्यंत लक्षपूर्वक व जबाबदारीने काम केल्यास वरिष्ठांची प्रशंसा मिळेल. प्रेमसंबंधांत गैरसमज किंवा तणाव निर्माण होऊ शकतो, त्यामुळे शांततेने संवाद साधणे उत्तम. वैवाहिक नात्यात संयम ठेवा आणि एखादा महत्त्वाचा निर्णय घेण्यापूर्वी जोडीदाराचा सल्ला घ्यावा. आर्थिक बाबतीत अनपेक्षित खर्च वाढू शकतो; मुलांच्या इच्छा पूर्ण करण्यासाठीही काही अतिरिक्त खर्च संभवतो. विद्यार्थ्यांसाठी आठवडा मेहनत घेण्याचा आहे. अभ्यासात सातत्य ठेवल्यास व कुटुंबाच्या मदतीने चांगले यश मिळू शकते. एकूणच, सावधगिरी व प्रामाणिकता आठवड्याला योग्य दिशा देतील.

7 / 15

कर्क: या आठवड्यात आरोग्याकडे विशेष लक्ष द्यावे. व्यवसायात चांगली संधी मिळण्याची शक्यता असून, एखादी मोठी डील आर्थिक स्थिती सुधारू शकते. नोकरीत प्रमोशन किंवा वरिष्ठांचे कौतुक मिळण्याची मोठी शक्यता आहे. प्रेमात आठवडा रोमँटिक जाईल; साथीदारासोबतचा वेळ सुखद राहील. वैवाहिक जीवनात एखादी कौटुंबिक समस्या एकत्रितपणे चर्चा करून सोडवता येईल. आर्थिक बाबतीत मात्र खर्च वाढेल; गुंतवणूक करताना विशेष सावध राहावे. शेअर बाजारात पैसे गुंतवणूक करताना विचारपूर्वक पावले उचलावी. विद्यार्थ्यांना परदेशी किंवा राज्याबाहेरील व्यावसायिक कोर्सची संधी मिळू शकते. अभ्यासात मेहनत केल्यास घरचे नाव उज्ज्वल कराल. एकंदरीत, आठवडा संधींचा असेल, फक्त खर्चावर नियंत्रण आवश्यक.

8 / 15

सिंह: या आठवड्यात नियमित व्यायाम, योग व चालणे आरोग्य सुधारण्यास मदत करेल. व्यवसायात लाभ होण्याची उत्तम शक्यता असून मोठी ऑर्डर हातात येऊ शकतो. नोकरी करणाऱ्यांसाठी आठवडा थोडा ताणतणावाचा असेल; कार्यक्षेत्रात अत्यंत सावधता व मेहनत गरजेची आहे. प्रेमसंबंधांमध्ये संयमाची गरज व गैरसमज टाळण्यासाठी शांतिपूर्ण संवाद आवश्यक आहे. वैवाहिक जीवनात वाद उद्भवल्यास जोडीदाराची बाजू ऐकणे महत्त्वाचे राहील. आर्थिकदृष्ट्या मालमत्तेत गुंतवणूक फायदेशीर ठरेल; भविष्यात चांगला लाभ मिळू शकतो. विद्यार्थ्यांनी शैक्षणिक अडचणी शिक्षक किंवा वरिष्ठांशी बोलून दूर कराव्यात; योग्य मार्गदर्शनाने अडथळे दूर होतील. एकूणच, आरोग्याची काळजी, मेहनत आणि संवादकौशल्य आठवड्याच्या यशाची गुरुकिल्ली ठरतील.

9 / 15

कन्या: या आठवड्यात आरोग्याच्या तक्रारींकडे दुर्लक्ष करू नये; रक्तदाब किंवा मधुमेहाची समस्या असलेल्या व्यक्तींनी औषधे वेळेवर घ्यावीत. व्यावसायिक कामानिमित्त प्रवास वाढेल, विविध ठिकाणी धावपळ करावी लागेल. नोकरीत वरिष्ठांचे मार्गदर्शन अत्यंत महत्त्वाचे ठरेल; त्यांच्या सूचनांकडे दुर्लक्ष करू नका. वैवाहिक नात्यात मात्र कौटुंबिक प्रश्नांमुळे ताण जाणवू शकतो, म्हणून जोडीदारासोबत संवाद वाढवा. आर्थिकदृष्ट्या अनावश्यक खर्च त्रासदायक ठरू शकतात; या काळात कोणतेही नवीन कर्ज घेणे टाळा, कारण परतफेडीत अडचणी येऊ शकतात. विद्यार्थ्यांसाठी आठवडा ताणाचा असेल; कठोर मेहनत आणि वरिष्ठांच्या मार्गदर्शनाने प्रगती शक्य. इंटरव्ह्यूची तयारी करणाऱ्यांनी विशेष प्रयत्न करावेत.

10 / 15

तूळ: या आठवड्यात हवामानातील बदलांमुळे सर्दी, खोकला किंवा थकवा जाणवू शकतो. सकाळी चालणे किंवा योग केल्यास आरोग्यास लाभदायक ठरेल. व्यवसायात नवीन प्रोजेक्ट मिळवण्यासाठी अधिक मेहनत करावी लागेल; सातत्य ठेवल्यास उत्तम परिणाम मिळतील. नोकरी बदलण्याचा विचार करत असाल तर आठवडा अनुकूल आहे. प्रेमसंबंधात आनंदाचे क्षण येतील; नात्यांमध्ये प्रगल्भता आणि समजूतता वाढेल. वैवाहिक जीवनात एखादी गैरसमजूत निर्माण होऊ नये म्हणून शांततेने संवाद साधा. आर्थिकदृष्ट्या आठवडा स्थिर असून महागडी वस्तू किंवा वाहन खरेदी करण्याची वेळ योग्य ठरू शकते. विद्यार्थ्यांनी ज्ञानवृद्धीसाठी नवीन विषय, कोर्स किंवा कौशल्य शिकण्यावर भर द्यावा; याचा भविष्यात मोठा फायदा होईल. एकूणच, आरोग्याची काळजी व मनःशांती राखल्यास आठवडा सकारात्मक जाईल.

11 / 15

वृश्चिक: आरोग्याकडे दुर्लक्ष करू नये; जुने आजार डोके वर काढण्याची शक्यता आहे. व्यवसायात परदेशी ग्राहक किंवा संपर्कांमुळे नवीन प्रगती होण्याची शक्यता आहे. नोकरी करणाऱ्यांसाठी आठवडा ताणाचा असून, कोणत्याही कामात ढिलाई करू नका, अन्यथा अडचणी वाढू शकतात. प्रेमात अंतर वाढण्याची शक्यता असल्याने मनात गोंधळ निर्माण होऊ शकतो; संयम राखणे आवश्यक. वैवाहिक जीवनात शंका दूर करून विश्वास वाढवण्यावर भर द्या. आर्थिक स्थिती मात्र उत्तम राहील; भाडे, मालमत्ता किंवा गुंतवणुकीतून चांगले उत्पन्न मिळू शकते. विद्यार्थ्यांनी अभ्यासात प्रचंड मेहनत घ्यावी; बुद्धिमत्ता व विवेक यांच्या आधारे योग्य निर्णय घ्यावा. आठवडा मिश्र फलदायी परंतु आर्थिक लाभाचा.

12 / 15

धनु: या आठवड्यात आरोग्य चांगले राहण्याची शक्यता आहे. स्फूर्ती जाणवेल. व्यवसायात मात्र कोणताही निर्णय घाईघाईत घेऊ नका; चुकीचे पाऊल नुकसानदायक ठरू शकते. नोकरी बदलण्याचा विचार करणाऱ्यांनी सावध राहावे, कारण पुढे त्रास संभवत आहे. प्रेमात तणाव वाढू शकतो; छोट्या गोष्टींवरून मतभेद होऊ नयेत यासाठी संयम आवश्यक. वैवाहिक जीवनात मात्र प्रेम, जिव्हाळा आणि विश्वासाचा सुंदर संगम दिसेल; जोडीदारासोबत मनातील गोष्टी बोलल्यास नाते अधिक दृढ होईल. आर्थिकदृष्ट्या रिअल इस्टेट किंवा मोठी गुंतवणूक सध्या टाळावी. विद्यार्थ्यांसाठी आठवडा सकारात्मक असून अभ्यासात एकाग्रता वाढेल. कठोर मेहनतीमुळे चांगला परिणाम मिळण्याची शक्यता. एकूणच, निर्णय घेताना सावधगिरी आणि नातेसंबंधांमध्ये संयम राखणे गरजेचे.

13 / 15

मकर: या आठवड्यात अचानक तब्येत बिघडण्याची शक्यता आहे. मानसिक थकवा जाणवू शकतो. व्यवसायात अतिउत्साहाने कोणताही निर्णय घेऊ नका; चुकीची गुंतवणूक नुकसानदायक ठरू शकते. नोकरीत कार्यालयातील राजकारणापासून दूर राहणे अत्यंत महत्त्वाचे. प्रेमात जोडीदारावर विश्वास ठेवणे गरजेचे आहे; संशयामुळे नात्यात तणाव निर्माण होऊ शकतो. वैवाहिक जीवनात आई-वडिलांशी संबंधित एखादा विषय जोडीदाराशी बोलल्यास समाधान मिळेल. आर्थिक स्थिती कमकुवत राहू शकते; उत्त्पन्न पाहूनच खर्च करा, अन्यथा ताण वाढेल. विद्यार्थ्यांसाठी आठवडा अत्यंत लाभदायक असून करिअरशी संबंधित नवीन कोर्स, कौशल्य किंवा प्रशिक्षण घेण्याची उत्तम संधी उपलब्ध होईल. एकूणच, शांतता, संयम आणि योग्य नियोजन या आठवड्याचे मुख्य वैशिष्ट्य राहील.

14 / 15

कुंभ: आरोग्याकडे विशेष लक्ष द्यावे. जुने आजार किंवा इन्फेक्शन वाढण्याची शक्यता असल्याने काळजी घ्या. व्यवसायात टेक्नॉलॉजी, ब्रँडिंग किंवा प्रोजेक्टमध्ये बदल केल्यास चांगला फायदा होऊ शकतो. नोकरीत आठवडा ठीकठाक असून, मात्र सध्या नोकरी बदलण्याचा विचार टाळावा. प्रेमसंबंधांसाठी आठवडा अनुकूल आहे; कार्यक्षेत्रात एखाद्या व्यक्तीशी जवळीक वाढू शकते. वैवाहिक नात्यात वाद-विवाद वाढण्याची शक्यता असल्याने शांत राहा आणि प्रेमाने संवाद साधा. आर्थिक पातळीवर नवीन घर खरेदीची शक्यता असून त्यासाठी मोठा खर्च होईल. विद्यार्थ्यांसाठी आठवडा उत्तम; नवीन कौशल्य, अभ्यासक्रम किंवा नवीन विषय शिकण्याची संधी मिळेल. चुकीच्या मित्रसंगतीपासून दूर राहिल्यास अभ्यासावर लक्ष केंद्रीत राहील. एकूणच, आरोग्यामध्ये सावधगिरी आणि घरगुती शांतता महत्त्वाची.

15 / 15

मीन: या आठवड्यात आरोग्याची विशेष काळजी घ्यावी. वाहन चालवताना अत्यंत सावध राहा. व्यवसायात मेहनत केल्यासच प्रगती दिसेल; कामात सातत्य ठेवणे गरजेचे. नोकरी करणाऱ्यांना स्पर्धा परीक्षांमध्ये यश मिळण्याची शक्यता आहे. प्रेमात तणाव कमी होईल आणि नात्यात स्थिरता येईल. वैवाहिक जीवनात मात्र एखादा गोंधळ तणाव निर्माण करू शकतो; कुटुंबीयांविषयीच्या जबाबदाऱ्या पूर्ण करण्यात उशीर करू नका. आर्थिक बाबतीत अनपेक्षित खर्च संभवतो, विशेषतः घरगुती किंवा प्रवासासंबंधी. विद्यार्थ्यांसाठी आठवडा अत्यंत सकारात्मक आहे; अभ्यासात मन लागेल आणि नवीन विषय किंवा अभ्यासक्रम निवडण्याची संधी मिळेल, ज्यामुळे आनंद वाढेल. एकूणच, संयम, काळजी आणि कुटुंबीयांशी सुसंवाद आठवड्याला स्थिरता देईल.