By ऑनलाइन लोकमत | Updated: March 12, 2026 16:19 IST
1 / 5या लेखात आपण अशाच काही खास जन्मतारखांच्या मूलांकाबद्दल आणि त्यांच्या चुंबकीय व्यक्तिमत्त्वाबद्दल जाणून घेणार आहोत. मूलांक अर्थात तुमच्या जन्मतारखेची बेरीज. उदा. तुमची जन्म तारीख ५ असेल तर ०+५= ५ आणि १४ असेल तर १+४= ५ असा मूलांक काढला जातो. 2 / 5ज्यांचा मूलांक १ आहे, त्यांच्यावर 'सूर्य' ग्रहाचा प्रभाव असतो. सूर्य जसा स्वतःच्या प्रकाशाने चमकतो, तसेच या व्यक्ती देखील कोणत्याही गर्दीत उठून दिसतात. त्यांचा आत्मविश्वास इतका दांडगा असतो की, साध्या सुती कपड्यांतही ते एखाद्या नेत्यासारखे भासतात. त्यांच्या आवाजात एक प्रकारचा अधिकार असतो, ज्यामुळे लोक त्यांचे म्हणणे ऐकतात.3 / 5या मूलांकाचा स्वामी 'गुरु' (बृहस्पति) आहे. या व्यक्तींकडे ज्ञानाचे भांडार असते. त्यांचे बोलणे इतके प्रभावी आणि अर्थपूर्ण असते की, लोक त्यांच्याकडे आकर्षित होतात. त्यांना बाह्य सौंदर्यापेक्षा बौद्धिक सौंदर्याची जास्त आवड असते. त्यांची बुद्धिमत्ता आणि हजरजबाबीपणा हीच त्यांची खरी ओळख असते.4 / 5'बुध' ग्रहाच्या प्रभावामुळे या व्यक्ती अतिशय चपळ आणि हसमुख असतात. मूलांक ५ च्या व्यक्तींना वयाचे बंधन नसते; त्या नेहमी तरुण आणि उत्साही दिसतात. त्यांची विनोदबुद्धी आणि संवादकौशल्य इतके उत्तम असते की, ते कोणालाही आपलेसे करू शकतात. फॅशनपेक्षा त्यांच्या स्वभावातील 'फ्रेशनेस' लोकांना जास्त भावतो.5 / 5मूलांक ९ चा स्वामी 'मंगळ' आहे. या व्यक्तींच्या चेहऱ्यावर एक प्रकारचे नैसर्गिक तेज असते. ते स्वभावाने अत्यंत धाडसी आणि मदतीला तत्पर असतात. संकटाच्या वेळी ते ज्या संयमाने आणि धैर्याने उभे राहतात, ते पाहून लोकांच्या मनात त्यांच्याबद्दल आदराची भावना निर्माण होते. त्यांचे 'रफ अँड टफ' व्यक्तिमत्त्वच त्यांची सर्वात मोठी शक्ती असते.