नगरमध्ये फुलपाखरं व रानफुलांचे ताटवे ठरतायत आकर्षणाचं केंद्र

अहमदनगर जिल्ह्यात रानफुलांसाठी व फुलपाखरांसाठी समृद्ध आहे.

जैवविविधता वाढविण्याच्या उद्देशाने निसर्ग अभ्यासक तथा शिक्षक जयराम सातपुते यांच्यासह २२ निरीक्षकांनी सलग रानफुलांचे व फुलपाखरांचे संपूर्ण जिल्हाभर फिरून सर्वेक्षण केले.

जिल्हाभरात जवळ जवळ ९८ प्रजातींच्या आकर्षक व वैशिष्ट्यपूर्ण पावसाळी रानफुलांच्या प्रजातींची तर सुमारे ३२ प्रजातींच्या फुलपाखरांची नोंद छायाचिञणासह घेतली आहे.

भंडारदरा, हरिश्चंद्रगड ही ठिकाणे वैविध्यपूर्ण प्रजातींची रानफुले व फुलपाखरांसाठी अतिशय वैभव संपन्न असल्याचे आढळून आले.

तर पेमगिरी, विळदघाट, वृद्धेश्वर, करंजीघाट, मोहटे, मुळा व जायकवाडी धरण परिसर, आगडगाव, डोंगरगण, गर्भगिरी ठिकाणीही रानफुलांची वैविध्यता दिसून आली.