Makar Sankranti 2021: मकर संक्रांतीच्या दिवशी न चुकता 'या' ६ गोष्टींचे करा दान; नेहमी होईल भरभराट
By manali.bagul | Published: January 12, 2021 12:53 PM2021-01-12T12:53:28+5:302021-01-12T13:05:04+5:30
पौष महिन्यात सुर्य मकर राशित प्रवेश करतो तेव्हा मकर संक्रांत साजरी केली जाते. यावर्षीही दरवर्षीप्रमाणे १४ जानेवारीला मकर संक्रांत साजरी केली जाणार आहे. असं मानलं जातं की यादिवशी सुर्यदेव आपला पुत्र शनिला भेटण्यासाठी येतात. म्हणून या दिवशी सुर्य आणि शनिचे महत्व खूप असते. साधारणपणे शुक्राचा उदयही याचवेळी होतो. म्हणून इथून शुभ कार्यांची सुरूवात केली जाते.
मकर संक्रातीच्या दिवशी अंघोळ, दान, पुण्य कर्म यांचे विशेष महत्व आहे. या दिवशी केलं जाणारं दान फलदायी ठरतं. यादिवशी शनि देवासाठीही प्रकाशाचे दान करणं गरजेचं असतं. मकर संक्रांतीच्या दिवशी कोणत्या वस्तूंचे दान केल्यास सुख समृद्धी, भरभराट आणि धन प्राप्ती होते, याबाबत आम्ही तुम्हाला सांगणार आहोत.
वस्त्र- मकर संक्रांतीच्या दिवशी एखाद्या गरजू व्यक्तीला नवीन कपडे दान करावे. असे केल्याने घरात समृद्धी येते. या दिवशी कपड्यांचे दान करण्यास महादान असे म्हणतात.
तूप- सूर्य आणि गुरूला संतुष्ट करण्यासाठी तूप खूप शुभ मानलं जातं. मकरसंक्रांतीच्या उत्सवात तूप देण्याचे महत्त्व आहे. असे मानले जाते की मकर संक्रांतीच्या दिवशी शुद्ध तूप दान केल्यास घरात सुख, समृद्धी आणि संपत्ती मिळते.
खिचडी: मकर संक्रांतीला खिचडी (खिचडी 2021) असेही म्हणतात. या दिवशी खिचडी दान करणे खूप शुभ ठरते. या दिवशी गरजू व्यक्तीला भात व उडीदाच्या डाळीची बनवलेली खिचडी दान करा. असे मानले जाते की दान केल्याने शनि दोष दूर होतात. तसंच तांदूळ दान करणे फलदायी मानले जाते.
चादर: मकर संक्रांतीच्या दिवशी कोणत्याही गरजवंत व्यक्तीला चादर द्यायला हवी. या दिवसात गरम कपडे किंवा चादर देणं शुभ मानलं जातं. चादरीचे दान दिल्यामुळे राहूचा अशुभ प्रभाव पडत नाही.
तीळ- मकर संक्रांतीला तिळाचे दान करण्यास विशेष महत्त्व आहे. या दिवशी ब्राह्मणांना तिळापासून बनवलेल्या वस्तू दान करणे शुभ मानले जाते. याशिवाय या दिवशी भगवान विष्णू, सूर्य आणि शनिदेव यांचीही तीळांनी पूजा केली जाते. असे मानले जाते की भगवान शनीने आपले संतप्त पिता सूर्यदेवाची काळ्या तीळांनी पूजा केली, ज्यामुळे सूर्य देव प्रसन्न झाले. मकर संक्रांतीला तीळ दान देऊनही शनि दोशावर मात करता येते.
गुळ: गुळाला गुरूची आवडती वस्तू मानली जाते. यावेळी गुरुवारी मकर संक्रांतीचा सण आहे. म्हणून या दिवशी गुळाचे दान केल्यास गुरुची कृपा प्राप्त होईल. आपण तीळ व गूळापासून बनवलेले लाडू दान करू शकता. या दिवशी गुळ खाणे देखील शुभ मानले जाते.