परभणीत चरस, गांजासह दोन गावठी पिस्तूल जप्त; तिघे अटकेत

By लोकमत न्यूज नेटवर्क | Updated: February 24, 2021 12:52 IST2021-02-24T12:50:29+5:302021-02-24T12:52:11+5:30

Crime News शहरातील रेल्वेस्थानकाजवळील साखला प्लॉट भागात पोलिसांची कारवाई

Two pistols with hashish and cannabis seized in Parbhani; Three arrested | परभणीत चरस, गांजासह दोन गावठी पिस्तूल जप्त; तिघे अटकेत

परभणीत चरस, गांजासह दोन गावठी पिस्तूल जप्त; तिघे अटकेत

ठळक मुद्देएकूण ३ आरोपींकडून ६ लाख ४१ हजार ८०८ रुपयांचा मुद्देमाल पोलिसांनी जप्त केला. 

परभणी : शहरातील साकला प्लॉट भागात २३ फेब्रुवारील मोठी कारवाई केली असून, एका आरोपीच्या ताब्यातून चरस, गांजासह दोन गावठी पिस्तुल आणि तेरा जिवंत काडतूस जप्त केली आहेत. याप्रकरणी पोलिसांनी तिघांना ताब्यात घेतले आहे.

शहरातील रेल्वेस्थानकाजवळील साखला प्लॉट भागातील शेख सोनू ऊर्फ शेख अमीर शेख ताहेर हा चरस गांजा या पदार्थांची विक्री करत असल्याची माहिती पोलिसांना मिळाली होती. या माहितीच्या आधारे साहाय्यक पोलीस अधीक्षक अविनाश कुमार यांच्यासह पथकातील कर्मचारी साखला प्लॉट भागात दाखल झाले. यावेळी शेख सोनू याच्या घराची झडती घेतली असता ३११ ग्रॅम चरस, ५०० ग्रॅम गांजा मिळून आला. त्याचप्रमाणे आरोपीच्या चारचाकी वाहनातून एक गावठी पिस्तूल आणि १३ जिवंत काडतूस तसेच बुलेट गाडीचा डिक्कीतून एक गावठी पिस्तूल जप्त पोलिसांनी जप्त केले आहे. या कारवाईत एकूण ३ आरोपींकडून ६ लाख ४१ हजार ८०८ रुपयांचा मुद्देमाल पोलिसांनी जप्त केला. 

ही कारवाई पोलीस अधीक्षक जयंत मीना, अप्पर पोलीस अधीक्षक मुम्मका सुदर्शन यांच्या मार्गदर्शनाखाली सहाय्यक पोलीस अधीक्षक अविनाश कुमार, पोलीस निरीक्षक व्यंकटेश आलेवार, सहाय्यक पोलीस निरीक्षक गुलाब बाचेवाड, उपनिरीक्षक चंद्रकांत पवार, संतोष शिरसेवाड, विश्वास खोले, साईनाथ पुयड, कर्मचारी सुग्रीव केंद्रे, हनुमंत जक्केवाड, नीलेश भुजबळ, मधुकर चट्टे, बाळासाहेब तुपसुंदर, बबन शिंदे, शंकर गायकवाड, अझहर पटेल, हरिचंद्र खूपसे, दिलावर खान पठाण, दीपक मुदीराज, यशवंत वाघमारे, सय्यद मोबीन, शेख अजहर जाफर, संतोष सानप, संजय घुले, छगन सोनवणे, अरुण कांबळे, विष्णू भिसे, आशा सावंत, उमा पाटील आदींच्या पथकाने केली आहे. परभणीत चरस, गांजा आणि पिस्तूल जप्त केल्याने खळबळ उडाली आहे.

Web Title: Two pistols with hashish and cannabis seized in Parbhani; Three arrested

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.