पाथरी (जि. परभणी): पाथरी पंचायत समितीच्या सभापती आणि उपसभापती निवडीमध्ये स्पष्ट बहुमत नसतानाही आमदार राजेश विटेकर यांनी टाकलेला राजकीय डाव अखेर यशस्वी झाला आहे. काँग्रेसच्या दोन सदस्यांच्या सहकार्याने आणि माजी आमदार बाबाजानी दुर्राणी यांच्या बिनशर्त पाठिंब्याने राष्ट्रवादी काँग्रेसने सभापती आणि उपसभापती या दोन्ही पदांवर विजय मिळवत सत्ता आपल्याकडे राखली आहे.
असे जुळले विजयाचे गणित१० सदस्य असलेल्या पाथरी पंचायत समितीत राष्ट्रवादीकडे ४, उद्धवसेनेकडे ३, काँग्रेसकडे २ आणि शिंदेसेचे १ असे संख्याबळ होते. उद्धवसेनेने शिंदेसेनेच्या मदतीने राष्ट्रवादीला रोखण्याचा प्रयत्न केला होता. मात्र, आमदार विटेकरांनी काँग्रेसच्या दोन सदस्यांना सोबत घेत सहा मतांचा कोटा पूर्ण केला. मतदानात राष्ट्रवादीच्या उमेदवारांना ६ तर उद्धवसेनेच्या उमेदवारांना ४ मते पडली.
सुनीता डुकरे सभापती, तर सचिन अंबुरे उपसभापतीराष्ट्रवादी काँग्रेसच्या श्रीमती सुनीता गजेंद्र डुकरे यांनी उद्धवसेनेच्या मनीषा कोल्हे यांचा पराभव करत सभापती पद पटकावले. तर उपसभापती पदासाठी राष्ट्रवादीचे सचिन लिंबाजी अंबुरे यांनी उद्धवसेनेच्या ज्ञानेश्वर शिंदे यांचा पराभव केला. या विजयामुळे पाथरी मतदारसंघातील पाथरी, मानवत, सोनपेठ आणि परभणी या चारही पंचायत समितीवर आता राष्ट्रवादी काँग्रेसचे पूर्ण वर्चस्व निर्माण झाले आहे. या निकालाने जिल्ह्यात आमदार राजेश विटेकर यांचे राजकीय महत्त्व पुन्हा एकदा अधोरेखित झाले आहे.
Web Summary : Rajesh Vitekar secured NCP's victory in Pathri Panchayat Samiti elections with Congress support, despite lacking a clear majority. Sunita Dukre became president, Sachin Ambure vice-president, solidifying NCP's dominance.
Web Summary : राजेश विटेकर ने कांग्रेस के समर्थन से पाथरी पंचायत समिति चुनाव में राष्ट्रवादी की जीत सुनिश्चित की, हालांकि उनके पास स्पष्ट बहुमत नहीं था। सुनीता डुकरे अध्यक्ष बनीं, सचिन अंबुरे उपाध्यक्ष बने, जिससे राष्ट्रवादी का दबदबा मजबूत हुआ।