Wimbledon 2025 : नोव्हाक जोकोविच विक्रमी २५ वे ग्रँडस्लॅम जिंकण्याचा डाव साधणार का?

सातवेळचा विम्बल्डन स्पर्धेचे जेतेपद पटकावणाऱ्या नोव्हाक जोकोविचला विक्रमी २५ वे ग्रँडस्लॅम जिंकत नवा इतिहास रचण्याची संधी आहे.

जेव्हा जेव्हा एखादी ग्रँडस्लॅम स्पर्धा सुरू होते तेव्हा स्टार टेनिसपटू नोव्हाक जोकोविचला त्याच्या निवृत्तीबद्दल अनेक प्रश्न विचारले जातात; परंतु या दिग्गज खेळाडूचे डोळे सोमवारपासून सुरू होणाऱ्या विम्बल्डन विजेतेपदावर आहेत. विक्रमी २५वे ग्रँडस्लॅम जेतेपद जिंकण्याची ही सर्वोत्तम संधी असल्याचे त्याने म्हटले आहे.

 तुझी ही अखेरची स्पर्धा असेल का? जोकोविच म्हणाला की, ...

जोकोविच आता ३८ वर्षांचा आहे आणि विम्बल्डनच्या आधी त्याला हाच प्रश्न विचारण्यात आला की, तुझी ही अखेरची स्पर्धा असेल का? २४ वेळा ग्रँडस्लॅम विजेत्यानेही उत्तर आधीच ठरवलेले होते. जोकोविच म्हणाला की, ही माझी शेवटची ग्रँडस्लॅम स्पर्धा असेल का? मी याबद्दल आताच काहीही निश्चितपणे सांगू शकत नाही. पुढच्या वर्षी मी फ्रेंच ओपन किंवा इतर कोणत्याही ग्रँडस्लॅम स्पर्धेत भाग घेईन की नाही, याची मला खात्री नाही. माझी इच्छा पुढील अनेक वर्षे खेळण्याची आहे. 

अलेक्झांडर मुलरविरुद्ध सलामीची लढत

विम्बल्डनमध्ये सातवेळा विजेतेपद पटकावणारा जोकोविच म्हणाला की, विम्बल्डनमध्ये पुन्हा विजेता होण्याची ही माझी सर्वोत्तम संधी असू शकते, यावर मी सहमत आहे. ते परिस्थितीवर अवलंबून असेल; पण सध्या मला खूप चांगले वाटत आहे. मंगळवारी पहिल्या फेरीत जोकोविचचा सामना अलेक्झांडर मुलरशी होईल. शारीरिक आणि मानसिकदृष्ट्या पूर्णपणे तंदुरुस्त राहण्याची माझी इच्छा आहे. हे माझे ध्येय आहे; आयुष्याच्या या टप्प्यावर पुढे काय होईल, हे तुम्ही निश्चितपणे सांगू शकत नाही. जोकोविचने कबूल केले की, ऑल इंग्लंड क्लब त्याला आणखी एक ग्रँडस्लॅम एकेरी जेतेपद जिंकण्याची सर्वोत्तम संधी देऊ शकतो. ज्यामुळे त्याच्या कारकिर्दीतील एकूण २५ जेतेपदे होतील. हा असा आकडा आहे जो कोणत्याही खेळाडूला आलेला नाही.  

यानिक सिन्नरचे कडवे आव्हान

जोकोविच आणि अल्काराझसमोर विम्बल्डनमध्ये जगातील अव्वक क्रमांकाचा खेळाडू यानिक सिन्नरचे कडवे आव्हान असेल. उपांत्य फेरीत जोकोविचला कदाचित सिन्नरचा सामना करावा लागू शकतो तर अंतिम फेरीत अल्काराझचे आव्हान असू शकेल. विम्बल्डनमध्येही अल्काराझ-सिन्नर यांच्यात चुरशीची लढत होऊ शकते.

अलेक्झांडर मुलरविरुद्ध सलामीची लढत

विम्बल्डनमध्ये सातवेळा विजेतेपद पटकावणारा जोकोविच म्हणाला की, विम्बल्डनमध्ये पुन्हा विजेता होण्याची ही माझी सर्वोत्तम संधी असू शकते, यावर मी सहमत आहे. ते परिस्थितीवर अवलंबून असेल; पण सध्या मला खूप चांगले वाटत आहे. मंगळवारी पहिल्या फेरीत जोकोविचचा सामना अलेक्झांडर मुलरशी होईल.

अल्काराझची नजर तिसऱ्या जेतेपदावर

स्पेनचा स्टार टेनिसपटू कार्लोस अल्काराझ सोमवारी विम्बल्डनमध्ये सेंटर कोर्टवर पहिल्या फेरीत फॅबियो फोगनिनीचा सामना करेल. त्याची नजर सलग तिसऱ्या विम्बल्डन ग्रँडस्लॅमवर असेल. १९६८ मध्ये सुरू झालेल्या ओपन युगात फक्त चार खेळाडूंनी सलग तीन वेळा विम्बल्डन ट्रॉफी जिंकली आहे. त्यात ब्योर्न बोर्ग, पीट सॅम्प्रस, रॉजर फेडरर आणि नोव्हाक जोकोविच यांचा समावेश आहे. सहा वर्षांपूर्वी २२ वर्षीय अल्काराझने येथे ग्रास कोर्टवर पहिला सामना खेळला होता. फक्त मागील वर्षीच्या पुरुष विजेत्याला सेंटर कोर्टवर पहिला सामना खेळण्याची संधी मिळते. अल्काराझचा ग्रँडस्लॅम फायनलमध्ये ५-० असा विक्रम आहे, ज्यामध्ये दोन फ्रेंच ओपन जेतेपदांचा समावेश आहे. अमेरिकन ओपनमध्येही अल्काराझ एकदा विजेता ठरला आहे. अल्काराझने तीन आठवडे आधी फ्रेंच ओपनच्या अंतिम लढतीत जगातील अव्वल खेळाडू यानिक सिन्नरला दोन सेटच्या पिछाडीवरून पराभूत करताना विजेतेपद पटकावले होते.