Vishwa: भारताच्या युवा टेबल टेनिसपटूचा भीषण अपघातात मृत्यू, कायदामंत्र्यांकडून शोक

केंद्रीय कायदामंत्री किरन रिजीजू यांनी विश्वाच्या निधनानंतर शोक व्यक्त केला आहे.

तरुण टेबल टेनिस खेळाडू विश्वा दीनदयाल यांचे रविवारी अपघातात निधन झाले. 83 व्या सिनियर नॅशनल आणि इंटर-स्टेट टेबल टेनिस चॅम्पियनशीपमध्ये भाग घेण्यासाठी तो गुवाहाटीवरुन शिलांगकडे जात असताना त्याच्या गाडीला भीषण अपघात झाला. 18 वर्षीय विश्वासह या टॅक्सीतून प्रवास करणाऱ्या रमेश संतोष कुमार, अविनाश प्रसन्नाजी श्रीनिवासन आणि किशोर कुमार हेही गंभीर जखमी झाले आहेत. या तिघांवरही खासगी रुग्णालयात उपचार सुरू असून सध्या त्यांची प्रकृती स्थीर असल्याचं डॉक्टरांनी सांगितलंय. 

केंद्रीय कायदामंत्री किरन रिजीजू यांनी विश्वाच्या निधनानंतर शोक व्यक्त केला आहे. रिजीजू यांनी ट्विट करुन विश्वा यांच्या कुटुंबीयांप्रति संवेदना व्यक्त केल्या आहेत. तसेच, ''तामिळनाडूचे युवा टेनिस खेळाडू विश्वा दिनदयाल यांच्या अपघाती निधनाचे वृत्त ऐकून अतिशय दु:ख झालं. 83 व्या सिनियर नॅशनल आणि इंटर-स्टेट टेबल टेनिस चॅम्पियनशीपमध्ये भाग घेण्यासाठी ते जात असताना मेघालयच्या री भोई येथे ही दुर्घटना घडली. त्यांच्या कुटुंबीयांच्या दु:खात मी सहभागी आहे,'' असे ट्विट रिजीजू यांनी केले आहे. 

Very sad to learn that young Table Tennis player from Tamil Nadu, Deenadayalan Vishwa died in an accident at Ri-Bhoi in Meghalaya while on his way to Shillong to participate in the 83rd Senior National Table Tennis Championship. My deepest condolences to his family. RIP pic.twitter.com/eaUweRzdiC

— Kiren Rijiju (@KirenRijiju) April 17, 2022

टेबल टेनिस फेडरेशन ऑफ इंडियाने या वृत्ताला दुजोरा दिला आहे. टीटीएफआयच्या जाहिरातीत सांगण्यात आले की, विरुद्ध दिशेने येत असलेल्या 12 चाकी ट्रेलर उमली चेकपोस्टजवळ रस्त्यावरील दुभाजकास धडकला. त्याचवेळी, समोरील टॅक्सीला धडक दरीत कोसळला. या भीषण दुर्घटनेत टॅक्सीचालकाचा जागीच मृत्यू झाला आहे. तर, विश्वा यास नॉर्थ ईस्टर्न इंदिरा गांधी रीजनल इंस्टीट्यूट ऑफ हेल्थ अँड मेडिकल सायंसेसने मृत घोषित केले. 

18-yr-old D Vishwa, one of the top tennis players died in a road accident on Sunday, April 17, while travelling by road from Guwahati to Shillong for 83rd Senior National & Inter-State table tennis championships that starts today. His car was hit by a truck on NH 6, as per police pic.twitter.com/J8QkhJAn6t— ANI (@ANI) April 18, 2022

दिनदयाल विश्वा हे प्रतिभासंपन्न खेळाडू होते, रँकींग स्तरावर त्याने अनेक पुरस्कार जिंकले होते. 27 एप्रिलपासून ते ऑस्ट्रेयाच्या लिंजमध्ये होणाऱ्या डब्लूटीटी युवा चॅम्पियनशीप स्पर्धेत भारताचं प्रतिनिधित्व करणार होते.