विराट कोहलीचा शतकांचा विक्रम हाशिम आमलाने मोडला

दक्षिण आफ्रिकेचा सलामीवीर हाशिम आमला याने वेस्ट इंडिजविरोधात तिरंगी मालिकेत शतक ठोकत विराट कोहलीचा विक्रम मोडला आहे. आमलाचे हे २३ वे शतक आहे

ऑनलाइन लोकमत

सेंट किट्स, दि. १७ : दक्षिण आफ्रिकेचा सलामीवीर हाशिम आमला याने वेस्ट इंडिजविरोधात तिरंगी मालिकेत शतक ठोकत विराट कोहलीचा विक्रम मोडला आहे. आमलाचे हे २३ वे शतक आहे. त्याने १३५ एकदिवसीय सामन्यांत १३२ डाव खेळत हे शतक पूर्ण केले. आमलाने वेस्ट इंडिजविरोधात या डावात ११० धावा केल्या. तो याबाबतीत विराट कोहलीला मागे टाकत सर्वात वेगवान २३ शतके करणारा फलंदाज बनला आहे.

हाशिम आमलाने १३२ डावांत ५२.२६ च्या सरासरीने ६४२९ धावा केल्या. त्यात २३ शतके आणि ३० अर्धशतके आहेत. याआधी हा विक्रम विराट कोहलीच्या नावे होता. त्याने १५७ डावांत २३ वे शतक झळकावले होते. या यादीत ए. बी. डीव्हीलियर्स (१८७ डाव) तिसऱ्या, तर सचिन तेंडुलकर (२१४ डाव) चौथ्या क्रमांकावर आहे.