जयपूर पँथर्सची विजयी घोडदौड

घरच्या पाठीराख्यांच्या पाठींब्याने जयपूर पिंक पँथर्स चांगलेच चार्ज झाले आहेत.

जयपूर : घरच्या पाठीराख्यांच्या पाठींब्याने जयपूर पिंक पँथर्स चांगलेच चार्ज झाले आहेत. गुणतालिकेत अव्वल स्थान पटकावणा:या पँथर्सने शुक्रवारीही आपली विजयी घोडदौड कायम राखत दंबग दिल्लीचा 1क् गुणांनी पराभव केला. पँथर्सने ही लढत 41-31 अशा फरकाने जिंकली.

आक्रमक खेळ करणा:या जयपूरने दिल्लीवर 6 लोन चढवले, तर दिल्लीला केवळ 2 लोन चढवण्यात यश आले. मनिंदर सिंह आणि जसवी सिंह यांनी आपापल्या चढाईत अनुक्रमे 11 व 7 गुण मिळवत जयपूरच्या विजयात महत्वाची भूमिका बजावली. दिल्लीकडून सुजीत नरवाल (1क्) आणि काशिलिंग अडके (5) यांनी कडवी टक्कर दिली. जयपूर संघ 12 लढतीत 9 विजयासह 48 गुणांसह अव्वल स्थान पटकावले आहे. 

शुक्रवारी झालेल्या दुस:या लढतीत काँटे की टक्कर पाहायला मिळाली. तेलगू टायटन्स आणि बंगाल वॉरियर्स यांच्यात धमाकेदार लढत झाली. दोन्ही संघांनी अखेर्पयत आपला संघर्ष कायम राखत ही लढत 34-34 अशी बरोबरीत सोडवली. टायटन्सकडून राहुल चौधरी आणि दीपक निवास हुड्डा यांनी अनुक्रमे 9 व 6 गुणांची कमाई केली, तर वॉरियर्सकडून जंग कुन ली आणि महेश गौड यांनी अनुक्रमे 8 व 6 गुण पटकावत सामना बरोबरीत सोडवला. (वृत्तसंस्था)