ऑनलाइन लोकमत
दिल्ली, दि. 27- आयपीएलच्या दुस-या क्वालिफायर राऊंडमध्ये गुजरात लायन्सनं सनरायझर्स हैदराबादसमोर विजयासाठी 163 धावांचं आव्हान ठेवलं आहे. गुजरात लायन्सनं निर्धारित 20 षटकांत 7 गड्यांच्या मोबदल्यात 162 धावा केल्यात. सनरायझर्स हैदराबादनं टॉस जिंकत गोलंदाजी करण्याचा निर्णय घेतला. गुजरात लायन्सकडून फिंचनं 7 चौकार आणि 2 षटकारांच्या बळावर 50 धावांसह अर्धशतक पूर्ण केलं आहे. द्विवेदी 5, मॅक्युलम 32, कॅप्टन रैना 1, कार्तिक 26, स्मिथ 1 ब्राव्हो 20 धावा काढून तंबूत परतले आहेत. जडेजा आणि कुलकर्णी शेवटपर्यंत नाबाद राहिले आहेत. दोन्ही संघांपैकी कोणीही एक क्वालिफायर राऊंडमध्ये जिंकल्यास तो अंतिम फेरीत प्रवेश करणार आहे.