नगरसेविका मुग्धा लोंढे यांचा अपघाती मृत्यू, भाजपाच्या महिला जिल्हाध्यक्षा कल्पना राऊतही जखमी 

रस्त्याच्या कडेला उभ्या असताना अर्धवट कॉंक्रिटीकरण कामामुळे एक स्विफ्ट डिझायर गाडी अडकल्यामुळे अडकलेली गाडी काढताना वेगाने रस्त्याच्या कडेला उभ्या असलेल्या या दोघींच्या अंगावर गेली.

पनवेल : पनवेल महापालिकेच्या भाजपच्या नगरसेविका मुग्धा लोंढे यांचा गुरुवारी शहरात झालेल्या अपघातात मृत्युमुखी पावल्या .रस्त्याच्या कडेला उभ्या असताना भरधाव स्विफ्ट कारने धडक दिल्याने लोंढे यांचा जागीच मृत्यू झाला . या अपघातात माजी नगरसेविका भाजपचा रायगड जिल्हा महिला भाजपचा अध्यक्ष कल्पना राऊत या देखील गंभीर जखमी झाल्या आहेत.

रस्त्याच्या कडेला उभ्या असताना अर्धवट कॉंक्रिटीकरण कामामुळे एक स्विफ्ट डिझायर गाडी अडकल्यामुळे अडकलेली गाडी काढताना वेगाने रस्त्याच्या कडेला उभ्या असलेल्या या दोघींच्या अंगावर गेली. प्राचीन हॉस्पिटल येथून एच एस सी कॉलनीकडे जाणाऱ्या रस्त्यावर झालेल्या या अपघातात कल्पना राऊत गंभीर जखमी झाले असून मुग्धा लोंढे यांचा मात्र जागीच मृत्यू झाला आहे या घटनेची माहिती कळताच निवडणूक प्रचारात असलेले आमदार प्रशांत ठाकूर माजी खासदार रामशेठ ठाकूर ,जे एम म्हात्रे ,पनवेल महापालिकेचे विरोधी पक्षनेते प्रितम म्हात्रे ,नगरसेवक नितीन पाटील परेश ठाकूर ,भाजपचे जिल्हा सरचिटणीस श्री नंद पटवर्धन म्हाडाचे कोकण विभागीय सभापती बाळासाहेब पाटील घटनास्थळी दाखल झाले .दुखापतग्रस्त कल्पना राऊत यांची प्रकृती गंभीर आहे .