महासमुंद: छत्तीसगडमधील महासमुंद जिल्ह्यात असलेल्या खल्लारी माता मंदिराजवळ रोपवे तुटून झालेल्या भीषण अपघातात एका महिला भाविकाचा मृत्यू झाला असून, सात जण जखमी झाले आहेत. नवरात्र उत्सवानिमित्त देवीच्या दर्शनासाठी आलेल्या भाविकांसोबत ही घटना घडली. अपघातानंतर तातडीने जखमींना जवळच्या रुग्णालयात दाखल करण्यात आले.
रोपवे ट्रॉलीत 8 भाविक
अधिकाऱ्यांनी दिलेल्या माहितीनुसार, रविवारी सकाळी सुमारे 10 वाजण्याच्या सुमारास ही दुर्घटना घडली. खल्लारी गावातील डोंगरावरील खल्लारी माता मंदिरावरून खाली उतरत असताना रोपवे ट्रॉलीची तार अचानक तुटली. त्या वेळी ट्रॉलीमध्ये एकूण 8 भाविक प्रवास करत होते. तार तुटल्याने ट्रॉली खाली कोसळून अपघात झाला.
एका महिलेचा मृत्यू, सात जखमी
या दुर्घटनेत रायपूर येथील 28 वर्षीय आयुषी सातकार या महिला भाविकाचा मृत्यू झाला. तर इतर सात जण जखमी झाले असून, त्यांना तातडीने जवळच्या रुग्णालयात दाखल करण्यात आले आहे. जखमींवर उपचार सुरू असून प्रशासनाने घटनेची चौकशी सुरू केली आहे.
मुख्यमंत्री विष्णु देव साय यांची प्रतिक्रिया
छत्तीसगडचे मुख्यमंत्री विष्णु देव साय यांनी या दुर्घटनेबद्दल दु:ख व्यक्त केले. त्यांनी सोशल मीडिया प्लॅटफॉर्मवर पोस्ट करून मृत भाविकाच्या कुटुंबीयांप्रती संवेदना व्यक्त केल्या, तसेच जखमींना उत्तम उपचार देण्याचे निर्देश अधिकाऱ्यांना दिले. या घटनेची सखोल चौकशी करून दोषींवर कठोर कारवाई करण्यात येईल, असेही त्यांनी सांगितले.
Web Summary : A ropeway accident at Chhattisgarh's Khallari Mata temple killed one woman and injured seven. The incident occurred during Navratri celebrations as the ropeway cable snapped, causing the trolley carrying pilgrims to fall. Injured individuals were promptly hospitalized, and an investigation is underway.
Web Summary : छत्तीसगढ़ के खल्लारी माता मंदिर में रोपवे दुर्घटना में एक महिला की मौत हो गई और सात घायल हो गए। नवरात्रि उत्सव के दौरान रोपवे का तार टूटने से यह घटना हुई, जिससे तीर्थयात्रियों को ले जा रही ट्रॉली गिर गई। घायलों को तुरंत अस्पताल में भर्ती कराया गया, और जांच जारी है।