पतीसमोरच पत्नीने प्रियकरासोबत लग्न केले; निळ्या ड्रमची धडकीच मनात भरली, पतीने उलगडलं रहस्य

आता मी माझी मुलगी आणि कुटुंबाचा उदरनिर्वाह चालवण्यासाठी चहाचे दुकान उघडून जीवन जगण्याचा प्रयत्न करत आहे असंही विशालने सांगितले. 

जमुईच्या सिकहरियात गावात काही दिवसांपूर्वी आयुषी कुमारी नावाच्या महिलेने तिचा पहिला पती विशाल दुबे याच्या उपस्थितीत नात्याने पुतणा लागणाऱ्या सचिन दुबेसोबत मंदिरात लग्न केले. या प्रकरणी आता पीडित पती विशालने अनेक खुलासे केले आहेत. 

विशाल दुबे याने सांगितले की, आयुषी आणि सचिनने मला धमकावले होते. जर मी त्यांच्या लग्नामध्ये अडथळा आणला तर मला जिवंत ठेवणार नाहीत अशी धमकी त्या दोघांनी दिली होती. जर मी या दोघांचे लग्न लावून दिले नसते तर मलाही ड्रममध्ये टाकून मारले असते. माझा जीव वाचवण्यासाठी मला या दोघांचे लग्न लावून द्यावे लागले असं त्याने म्हटलं आहे. 

तसेच मला पत्नी आयुषीच्या स्वभावात बदल झाल्याने शंका आली. त्यामुळे फ्लिपकार्टमधील नोकरी सोडून मी गावी परतण्याचा निर्णय घेतला जेणेकरून पतीच्या हालचालींवर लक्ष ठेवता येईल. मी आयुषीवर लक्ष ठेवले, तिला समजावले परंतु तिने काही ऐकले नाही. मी १ वर्ष तिला समजावले परंतु ती ऐकत नव्हती. सचिन आणि आयुषी या दोघांनी मला जीवे मारण्याची धमकी दिली. याबाबत मी पोलीस ठाण्यात तक्रार दिली परंतु तिथे पोलिसांनी मध्यस्थी केल्याने आयुषीला मी परत आणले. तरीही मला धमकी देण्याचे सुरूच होते असा दावा पती विशालने केला. 

दरम्यान, आयुषीच्या माहेरच्यांशी कुठलाही संपर्क नाही. मी एकटाच आहे. मुलगी आणि आईची देखभाल करतो. गाव-समाजात या घटनेवरून चर्चा होत आहे. मी आयुषीला खूप समजावले. समाज काय म्हणेल, परंतु तिने काहीही ऐकण्यास नकार दिला. आता मी माझी मुलगी आणि कुटुंबाचा उदरनिर्वाह चालवण्यासाठी चहाचे दुकान उघडून जीवन जगण्याचा प्रयत्न करत आहे असंही विशालने सांगितले. 

पुतण्याच्या प्रेमात कसी पडली काकी?

पटनाच्या राजीव नगर येथे राहणारी आयुषी हिचे पहिले लग्न २०२१ साली विशाल दुबेसोबत झाले होते. या दोघांना ४ वर्षाची मुलगी आहे. २ वर्षापूर्वी आयुषीची ओळख गावातीलच सचिन दुबे नावाच्या युवकाशी झाली. जो नात्याने तिचा पुतण्या लागतो. या दोघांमध्ये जवळीक वाढली आणि त्यानंतर या नात्याचे रुपांतर प्रेमात बदलले. आयुषी आणि सचिन यांच्या लपून छपून भेटी सुरू होत्या ज्याची भनक कुटुंबाला नव्हती. १५ जूनला हे दोघे घरातून पळाले आणि परतल्यानंतर गावातील मंदिरात त्यांचे लग्न लावून देण्यात आले. दुसरीकडे पती विशालच्या आरोपावर आयुषीने पलटवार केला आहे. विशालने माझा शारीरिक आणि मानसिक छळ केल्याचं तिने म्हटलं.