'65 हून अधिक जागांचा टप्पा गाठू', निवडणूक जाहीर होताच भाजपाचा दावा 

सध्या राज्यात भाजपाच्या नेतृत्वाखालील सरकार सत्तेवर आहे.

नवी दिल्ली : झारखंड विधानसभा निवडणुकीसाठी तारीख जाहीर होताच भाजपाने राज्यात 65 हून अधिक जागा जिंकण्याचा दावा केला आहे. झारखंडमधील भाजपाचे प्रभारी ओम माथुर यांनी सांगितले की, "गेल्या वर्षभरापासून राज्यात निवडणुकीसाठी एकत्र तयारी करत सुरु आहे. मी स्वत: बुथ स्तरावरील सर्व उपक्रम आणि तयारींचे विश्लेषण केले आहे. त्यामुळे आम्ही निश्चितच 65 हून अधिक जागांचा टप्पा गाठू." 

महाराष्ट्र आणि हरयाणामधील विधानसभा निवडणुका पार पडल्यानंतर आता झारखंड विधानसभेचा निवडणूक कार्यक्रम जाहीर झाला आहे. केंद्रीय निवडणूक आयुक्त सुनील अरोरा यांनी आज दिल्लीत झालेल्या पत्रकार परिषदेत झारखंडमधील विधानसभा निवडणुकीच्या कार्यक्रमाची घोषणा केली.  झारखंड विधानसभा निवडणूक पाच टप्प्यात मतदान होणार आहे. पहिला टप्प्यात  ३० नोव्हेंबरला, दुसऱ्या टप्प्यात ७ डिसेंबरला, तिसऱ्या टप्प्यात १२ डिसेंबरला, चौथ्या टप्प्यात १६ डिसेंबरला आणि पाचव्या टप्प्यात २० डिसेंबरला होणार असून २३ डिसेंबर रोजी मतमोजणी होणार आहे. 

Om Mathur, In-charge Jharkhand BJP, on Jharkhand Legislative Assembly Elections: BJP state unit has been preparing for the elections from past one year. I, myself, have analyzed all the booth level activities and preparations as well. We will definitely cross the target of 65+. pic.twitter.com/eOPC2tkDZR

— ANI (@ANI) November 1, 2019

झारखंडमध्ये विधानसभेच्या 81 जागा आहेत. सध्या राज्यात भाजपाच्या नेतृत्वाखालील सरकार सत्तेवर आहे. राज्यात काँग्रेस आणि झारखंड मुक्ती मोर्चा हे प्रमुख विरोधी पक्ष आहेत. त्याशिवाय संयुक्त जनता दल, जेव्हएम, बीएसपी, एजेएसयू हे पक्षही निवडणुकीच्या रिंगणात असणार आहेत.

झारखंड विधानसभेतील सध्याचे पक्षीय बलाबल
भाजपा - 49 
एजेएसयू - 3 
झारखंड मुक्ती मोर्चा - 17
काँग्रेस - 5
जेव्हीएम (पी) -1
सीपीआय (एमएल) -1 
बीएसपी - 1
एमससी -1