उज्जैनच्या ताराना'मध्ये पुन्हा हिंसाचार; जमावाकडून अनेक घरांवर दगडफेक, बसला आग

उज्जैनमधील ताराना येथे सोहेल ठाकूर यांच्यावरील हल्ल्यानंतर दंगलखोरांनी दगडफेक केली आणि बस पेटवून दिली. पोलिसांनी पाच आरोपींना अटक केली आहे आणि ३०० कर्मचारी तैनात केले आहेत.

उज्जैनमधील ताराना येथे गुरुवारी संध्याकाळी सुरू झालेल्या दोन गटांमधील वादाचे शुक्रवारी हिंसाचारात रूपांतर झाले. दंगलखोरांनी घरांवर दगडफेक केली असून एका बसला आग लावली. परिस्थितीचे गांभीर्य लक्षात घेता, पोलिस प्रशासनाने मोठा सुरक्षा तैनात केली आहे.

‘बदलापूरच्या घटनेने राज्याच्या अब्रुची लक्तरे पुन्हा वेशीवर टांगली, लोकांच्या सहनशिलतेचा अंत पाहू नका, महागात पडेल’, हर्षवर्धन सपकाळ यांचा इशारा 

गुरुवारी संध्याकाळी ताराना येथे काही तरुणांमध्ये वाद झाला होता. यादरम्यान, सोहेल ठाकूर नावाच्या तरुणावर प्राणघातक हल्ला करण्यात आला. सोहेलवरील हल्ल्याच्या निषेधार्थ शुक्रवारी परिस्थिती आणखी चिघळली. अज्ञात व्यक्तींनी परिसरात घुसून घरांवर दगडफेक केली, खिडक्यांच्या काचा फोडल्या. रागाच्या भरात आलेल्या हल्लेखोरांनी बस पेटवून दिली, यामुळे संपूर्ण परिसरात भीतीचे वातावरण निर्माण झाले.

पोलिस प्रशासनाने आरोपींविरुद्ध कठोर कारवाईचे आदेश दिले आहेत. सोहेल ठाकूरच्या तक्रारीवरून पोलिसांनी सहा जणांविरुद्ध हत्येच्या प्रयत्नाचा गुन्हा दाखल केला आहे, त्यापैकी पाच जणांना अटक करण्यात आली आहे. सहाव्या आरोपीचा शोध सुरू आहे. सोहेल ठाकूर सध्या रुग्णालयात डॉक्टरांच्या देखरेखीखाली आहे.