Video - तामिळनाडूतील चेंगराचेंगरीत मृत्युमुखी पडलेल्यांचे मृतदेह पाहून शिक्षणमंत्री ढसाढसा रडले
By ऑनलाइन लोकमत | Updated: September 28, 2025 10:28 IST2025-09-28T10:27:49+5:302025-09-28T10:28:53+5:30
Tamilnadu Stampede : अभिनेता थलपती विजयच्या रॅलीदरम्यान चेंगराचेंगरी झाल्याची धक्कादायक घटना समोर आली आहे.
Video - तामिळनाडूतील चेंगराचेंगरीत मृत्युमुखी पडलेल्यांचे मृतदेह पाहून शिक्षणमंत्री ढसाढसा रडले
तामिळनाडूच्या करूर जिल्ह्यात अभिनेता थलपती विजयच्या रॅलीदरम्यान चेंगराचेंगरी झाल्याची धक्कादायक घटना समोर आली आहे. या दुर्घटनेमुळे देशभरात शोककळा पसरली आहे. चेंगराचेंगरीत ३८ जणांचा मृत्यू झाला असून अनेक जण जखमी झाले आहेत. जीव गमावलेल्यांमध्ये लहान मुलं आणि महिलांचाही समावेश आहे. रुग्णालयात मृतांच्या आणि जखमींच्या कुटुंबीयांचा आक्रोश पाहायला मिळत आहे.
तामिळनाडूचे शिक्षण मंत्री अंबिल महेश पोय्यामोझी यांना देखील या घटनेमुळे मोठा धक्का बसला आहे. रुग्णालयातील भयंकर परिस्थिती पाहून त्यांना अश्रू अनावर झाले. या घटनेचा व्हिडीओ समोर आला असून तो सोशल मीडियावर व्हायरल होत आहे. तामिळनाडूच्या करूर जिल्ह्यात झालेल्या चेंगराचेंगरीने सर्वांनाच हादरवून सोडलं आहे.
VIDEO | Tamil Nadu School Education Minister Anbil Mahesh Poyyamozhi broke down after seeing the bodies of children at the Karur Government Hospital mortuary.
— Press Trust of India (@PTI_News) September 27, 2025
(Full video available on PTI Videos - https://t.co/n147TvrpG7)
(Source: Third party) pic.twitter.com/iRQzclkjBR
अंबिल महेश पोय्यामोझी या दुःखद घटनेनंतर रुग्णालयात दाखल झाले. चेंगराचेंगरीत मृत्युमुखी पडलेल्यांचे, लहान मुलांचे मृतदेह पाहून ते हादरले, ढसाढसा रडले. "आयोजकांना वारंवार नियमांचं पालन करण्यास सांगितलं जात होतं" असं त्यांनी म्हटलं आहे. त्यांच्यासोबत उभे असलेले सेंथिल बालाजी यांनाही या दुर्घटनेचा मोठा धक्का बसला.
तामिळनाडूतील करूर जिल्ह्यात थलपती विजयच्या रॅलीत चेंगराचेंगरी झाली, ज्यामध्ये ३८ जणांचा मृत्यू झाला आणि अनेक जण जखमी झाले. मृत्युमुखी पडलेल्यांमध्ये १० मुलं आणि १६ महिलांचा समावेश आहे. जखमींवर सध्या रुग्णालयात उपचार सुरू आहेत. काहींची प्रकृती अत्यंत गंभीर असल्याने मृतांचा आकडा वाढण्याची भीती वर्तवण्यात येत आहे.