Video: मोठा अपघात टळला! केदारनाथकडे जात असतानाच हेलिकॉप्टरमध्ये बिघाड, 'महामार्गा'वर एमर्जन्सी लँडिंग

Helicopter emergency landing in kedarnath: केदारनाथमध्ये हेलिकॉप्टर अपघाताची मोठी दुर्घटन पायलटमुळे टळली. बिघाड झाल्यानंतर हेलिकॉप्टर हायवेवर उतरवण्यात आले.

उत्तराखंडमधीलकेदारनाथमध्ये शनिवारी मोठी दुर्घटना टळली. प्रवाशांना घेऊन जाणाऱ्या एका खाजगी हेलिकॉप्टमध्ये बिघाड झाला. त्यामुळे हेलिकॉप्टरची एमर्जन्सी लँडिंग करावी लागली. बिघाड झाल्याने पायलटने एक्स्प्रेसवेवरच हेलिकॉप्टर उतरवले. त्यामुळे संभावित दुर्घटना टळली. हेलिकॉप्टर उतरवण्यात आल्यानंतरचा व्हिडीओही समोर आला आहे. (Helicopter emergency landing On Highway in kedarnath)

'लोकमत'चं WhatsApp चॅनल फॉलो करा!

केदारनाथ धामकडे निघालेल्या हेलिकॉप्टरचे एमर्जन्सी लँडिंग करावे लागले. शनिवारी ही घटना घडली. खाजगी हेलिकॉप्टरने प्रवाशांना घेऊन उड्डाण केले होते. क्रिस्टल एव्हिएशन प्रा.लि. या कंपनीचे हे हेलिकॉप्टर आहे. 

हेलिकॉप्टरमध्ये किती प्रवासी होते?

उत्तराखंडचे कायदा आणि सुव्यवस्था अतिरिक्त पोलीस महासंचालक डॉ. व्ही. मुरुगेशन यांनी सांगितले की, हेलिकॉप्टर केदारनाथ धामकडे निघाले होते. हेलिकॉप्टरमध्ये तांत्रिक बिघाड झाला. त्यामुळे रुद्रप्रयाग जिल्ह्यातील गुप्तकाशीमध्ये त्याचे एमर्जन्सी लँडिंग करण्यात आले. हेलिकॉप्टरमध्ये पायलटसह सहा जण होते. 

वाचा >>सस्पेन्स वाढला! राजा आणि सोनमचं मेघालयमध्ये झालं भांडण? भावाला आल्या धमक्या

#WATCH | Uttarakhand | A private helicopter en route to Kedarnath Dham made an emergency landing in Guptkashi of Rudraprayag district due to a technical fault. All the people on board the helicopter are safe: Uttarakhand ADG Law and Order Dr V Murugeshan

CEO of UCADA has… pic.twitter.com/Zj1SLluZ7N

— ANI (@ANI) June 7, 2025

मिळालेल्या माहितीनुसार लँडिंग करताना पायलट किरकोळ जखमी झाला आहे. हे हेलिकॉप्टरने सिरसीतील बडासू येथील हेलिपॅडवरून उड्डाण केले होते. बिघाड झाल्यामुळे हेलिकॉप्टर हेलिपॅडवर उतरवण्याऐवजी तातडीने महामार्गावर उतरवण्यात आले, अशी माहिती उत्तराखंड नागरी उड्डाण विकास प्राधिकरणाचे सीईओंनी दिली.