Video: मोठी दुर्घटना टळली! इंडो तिबेटियन पोलीस दलाची बस नदीत कोसळली, शस्त्रे गेली वाहून

ITBP Bus Accident Today: जम्मू काश्मीरमध्ये आयटीबीपीच्या बसचा भीषण अपघात घडला. ही बस जवानांना आणण्यासाठी निघाली होती. पण, त्यापूर्वीच बस सिंध नदीत कोसळली. त्याचे व्हिडीओ आता समोर आले आहेत.

इंडो तिबेटियन पोलीस दलाच्या जवानांना आणण्यासाठी निघालेल्या बसचा भीषण अपघात झाल्याची घटना समोर आली आहे. ही घटना बुधवारी (३० जुलै) गांदरबल जिल्ह्यातील कुल्लनमध्ये घडली. बस जवानांना आणण्यासाठी  जात होती. त्यावेळी बस अनियंत्रित झाली आणि सिंध नदीत कोसळली. घटनेची माहिती मिळताच एसडीआरएफच्या जवानांनी बचाव कार्य हाती घेतले. 

'लोकमत'चं WhatsApp चॅनल फॉलो करा!

गांदरबल जिल्ह्यात मुसळधार पाऊस सुरू आहे. नद्यांच्या पाणीपातळीवर वाढ झालेली असून, पाऊस सुरू असतानाच बस जवानांना आणण्यासाठी निघाली होती. बस अचानक अनियंत्रित झाली आणि सिंध नदीत कोसळली. 

नदीत कोसळलेल्या बसचा व्हिडीओ

#WATCH | J&K: A joint search and rescue operation has been launched by SDRF Ganderbal and SDRF Sub Component Gund at Kullan in River Sindh, where a bus carrying ITBP Jawans fell down from the Kullan bridge into River Sindh, in which some weapons are missing. Three weapons have… pic.twitter.com/aDYefPHziQ

— ANI (@ANI) July 30, 2025

आयटीबीपी जवानांचा शोध सुरू

सुदैवाने नदीत कोसळलेल्या बसमध्ये जवान नव्हते. जवानांना घेऊन येण्यापूर्वीच ती ही घटना घडल्याने मोठी जीवितहानी टळली. बस सिंध नदीत कोसळल्याची माहिती मिळाल्यानंतर जिल्हा प्रशासनाकडून एसडीआरएफच्या जवानांचे पथक घटनास्थळी पाठवण्यात आले. 

#WATCH | Ganderbal, J&K | An ITBP bus was on its way to carry the troops when it slipped into the river. The driver, who sustained minor injuries, is now stable. NDRF, SDRF and the police are rescuing the bus. Fortunately, a major incident was averted as there were no troops in… pic.twitter.com/tNsHJUoON2

— ANI (@ANI) July 30, 2025

गांदरबलचे पोलीस अधीक्षक खलील अहमद पोसवाल यांनी सांगितले की, "आयटीबीपीची बस जवानांना आणण्यासाठी जात होती. बस घसरली आणि सिंध नदीत कोसळली. या घटनेत चालक जखमी झाला आहे. त्याची प्रकृती स्थिर आहे. एनडीआरएफ आणि एसडीआरएफसह पोलिसांचे पथक मदत कार्यात गुंतले आहे. सुदैवाने मोठी दुर्घटना टळली."

During night hours,civil bus (Regd. JK01N-1007) hired by ITBP Adhoc 11D/6 met with accident & fell into #Nallah Sindh near Zirpora Kullan Bridge. Driver Waseem Ahmad Dar son of Ali Mohd Dar resident of Ganastan Sumbal Bandipora sustained injuries. Immediately shiftd to PHC Kullan pic.twitter.com/wNrhYz1Ce0

— Nikita Sareen (@NikitaS_Live) July 30, 2025

अहमद अली मोहम्मद दार असे जखमी झालेल्या चालकाचे नाव आहे. बसमधून चालकाला जखमी अवस्थेत बाहेर काढण्यात आल्यानंतर कुल्लन येथील शासकीय रुग्णालयात दाखल करण्यात आले. दरम्यान, या बसमध्ये शस्त्रे होती. ती वाहून गेली आहेत. तीन रायफली नदीत मिळाल्या असून, इतर रायफलींचा शोध घेतला जात आहे.