Video: भाविकांना घेऊन जाणारी कार ५० फूट खोल दरीत कोसळली, तीन जणांचा मृत्यू

Uttarakhand Accident: उत्तराखंडमध्ये भाविकांना घेऊन जाणाऱ्या कारचा भीषण अपघात झाला. कार एका खोल दरीत कोसळली, ज्यात तीन भाविकांचा मृत्यू झाला. 

उत्तराखंडमधील नैनीताल जिल्ह्यात असलेल्या कांची धाम परिसरात भयंकर अपघात झाला. भाविकांना घेऊन जात असलेली कार खोल दरीत कोसळली. यात तीन जणांचा मृत्यू झाला. यात दोन महिला आणि एका मुलाचा समावेश आहे. १८ डिसेंबर रोजी सकाळी ही घटना घडली. 

मिळालेल्या माहितीनुसार, कारमधून ७ लोक प्रवास करत होते. सर्वजण कांची धामकडे जात होते. पण, अपघातात सात पैकी तिघांचा मृत्यू झाला. रस्त्याने जात असलेली कार अचानक नियंत्रण सुटून ५० फूट खोल दरीत कोसळली. 

Nainital, Uttarakhand: A Scorpio carrying tourists from Bareilly to Kaanchi Dham fell into a 50-foot gorge, killing two women and a child on the spot, while police and SDRF rescued the injured and took them for treatment pic.twitter.com/yL1r2OREup

— IANS (@ians_india) December 18, 2025

माहिती मिळताच पोलीस आणि राज्य आपत्ती व्यवस्थापन विभागाचे पथक घटनास्थळी दाखल झाले. तातडीने कारमधील जखमींना बाहेर काढण्यात आले. सर्व जखमींना रुग्णालयात दाखल केले असून, त्यांच्यावर उपचार सुरू आहे. अपघात झाल्यानंतरचे व्हिडीओ आता समोर आले आहेत. 

Nainital, Uttarakhand: 3 tourists died after a Scorpio fell into a 50‑foot ditch near Kanchi Dham. pic.twitter.com/EzGMFkOarC

— ANI (@ANI) December 18, 2025

हा अपघात इतका भीषण होता की, खाली कोसळल्यानंतर कारचा चेंदामेंदा झाला. पोलिसांनी दिलेल्या माहितीनुसार, स्कॉर्पिओ कारमधून जात असलेले सगळे लोक बरेलीचे आहेत. कांची धामला पोहचण्यापूर्वीच त्यापैकी तिघांवर काळाने झडप घातली.