VIDEO- भाजपा आमदारासमोर मुलाची व समर्थकांची गुंडगिरी, टोल कर्मचाऱ्याला मारहाण

भाजपाच्या आमदारासमोर त्यांच्या मुलाने व समर्थकांनी गुंडगिरी करत टोल कर्मचाऱ्याला मारहाण केल्याची  घटना उत्तर प्रदेशात घडली आहे.

पाटणा- भाजपाच्या आमदारासमोर त्यांच्या मुलाने व समर्थकांनी गुंडगिरी करत टोल कर्मचाऱ्याला मारहाण केल्याची  घटना उत्तर प्रदेशात घडली आहे. या घटनेचं सीसीटीव्ही फुटेज समोर आलं आहे. मथुरामधील बलदेव विधान सभेचे भाजपा आमदार पूरन प्रकाश यांच्या मुलाने आणि समर्थकांनी मंगळवारी मथुरेजवळील राष्ट्रीय महामार्ग 2 वर मधुवनमधील टोल नाक्यावर टोल कर्माचाऱ्यांशी अरेरावी केली. इतकंच नाही, तर त्यांनी टोल कर्मचाऱ्यांना मारहाणही केली. हा प्रकार घडत असताना तेथे भाजपा आमदार पूरन प्रकाशही उपस्थित होते. 

#WATCH Son of BJP MLA Pooran Prakash & his supporters thrashed a toll employee at Mahuvan toll plaza in front of his father after the barrier fell on their car in Mathura (CCTV footage) pic.twitter.com/22vHYBD7Qu

— ANI UP (@ANINewsUP) February 13, 2018

यासगळ्या घटनेवर भाजपा आमदाराने मात्र स्वतःची काही चूक नसल्याचं म्हंटलं. टोलनाक्यावरून जात असताना माझ्या गाडीच्या पुढे माझी सिक्युरिटी गाडी चालली होती. टोलनाक्यावर मी असलेली गाडी आल्यावर टोलकर्मचाऱ्याने बॅरिकेट्स टाकले. तो बॅरिगेट्सचा धक्का माझ्या गाडीला लागला. माझ्या गाडीवर मोठ्या अक्षरात 'आमदार' हा शब्द लिहिला होता, तरीही टोलकर्मचाऱ्याने बॅरिकेड्स टाकला, असं भाजपा आमदार पूरन प्रकाश यांनी म्हंटलं. 

My security vehicles went before us but still they dropped that stick on our car, despite seeing the big writings of 'vidhayak' on it. This is nothing new, they often do such things: Baldev MLA Pooran Prakash pic.twitter.com/51xlDZSj8d

— ANI UP (@ANINewsUP) February 13, 2018

 

भाजपा आमदार पूरन प्रकाश टोलनाक्यातून भरधाव वेगाने बाहेर पडताना दिसत आहेत. टोल बूथवर गाडी पोहचल्यानंतर बॅरिकेड्स पडताना सीसीटीव्हीमध्ये दिसतो आहे. बॅरिगेड्स पडल्याने तो गाडीला घासतानाही दिसतो आहे. काहीवेळानंतर गाडी पुढे जाऊन थांबताना दिसते आहे. त्यानंतर गाडीतून भाजपा आमदार पूरन प्रकाश, त्यांचा मुलगा, ड्रायव्हर व स्टाफ बाहेर पडताना व टोल कर्मचाऱ्यांना मारहाण करतात. धक्कादायक म्हणजे  टोलकर्मचाऱ्यांना मारहाण होत असताना हा संपूर्ण प्रकार भाजपा आमदार तेथे थांबून पाहत आहेत. सीसीटीव्ही फुटेजनुसार 13 फेब्रुवारी रोजी 11 वाजेच्या सुमारास ही घटना घडली आहे. 

याआधीही भाजपा आमदार पूरन प्रकाश यांच्याकडून अशा प्रकारची घटना घडली आहे. 29 ऑक्टोबर 2016 रोजी पूरन प्रकाश यांचा टोलकर्मचाऱ्यांशी वाद झाला होता. त्यावेळीही त्यांच्या समर्थकांनी टोल कर्मचाऱ्याला मारहाण केली होती. त्यावेळीही त्यांचा व्हिडीओ व्हायरल झाला होता.