हृदयद्रावक! मीटिंगमध्ये जोरात खोकला, घाम आला... अधिकाऱ्याने हार्ट अटॅकने जीव गमावला

लखनौमध्ये एका सरकारी अधिकाऱ्याला मीटिंग सुरू असतानाच हार्ट अटॅक आला आणि त्याचा मृत्यू झाला. 

देशात हार्ट अटॅकच्या घटनांमध्ये खूप वाढ झाली आहे. गेल्या काही दिवसांत चालताना, नाचताना आणि गाताना लोकांना हार्ट अटॅक आल्याच्या आणि मृत्यू झाल्याच्या बातम्या सातत्याने समोर आल्या आहेत. अशीच एक धक्कादायक घटना पुन्हा एकदा घडली. लखनौमध्ये एका सरकारी अधिकाऱ्याला मीटिंग सुरू असतानाच हार्ट अटॅक आला आणि त्याचा मृत्यू झाला. 

सचिवालयातील संस्थात्मक वित्त विभागात विभाग अधिकारी म्हणून कार्यरत असलेले २०१३ च्या बॅचचे ४८ वर्षीय पंकज कुमार यांचा बुधवारी हार्ट अटॅकने मृत्यू झाला. मिळालेल्या माहितीनुसार, एपीसी दीपक कुमार यांच्या अध्यक्षतेखाली सचिवालयात सुरू असलेल्या मीटिंगदरम्यान वित्त विभाग-३५ चे विभाग अधिकारी पंकज कुमार यांची प्रकृती बिघडली.

१३ वर्षांचा मुलगा वेदनेने तडफडत राहिला, उपचाराअभावी हार्ट अटॅकने झाला मृत्यू

मीटिंग सुरू असताना पंकज यांना अचानक खूप खोकला आला आणि घाम येऊ लागला. त्यानंतर ते बेशुद्ध पडले. त्यांना तातडीने हजरतगंज येथील डॉ. श्यामा प्रसाद मुखर्जी (सिव्हिल) रुग्णालयात दाखल करण्यात आलं. मात्र उपचारादरम्यान त्यांचा मृत्यू झाला. मुख्यमंत्री योगी आदित्यनाथ यांनी पंकज कुमार यांच्या निधनाबद्दल शोक व्यक्त केला आहे.

लाईट गेल्यावर लिफ्टमध्ये अडकला लेक, वाचवण्यासाठी वडिलांनी घेतली धाव पण...

भोपाळमधील एका सोसायटीमध्ये असाच एक भयंकर प्रकार उघडकीस आला होता. अचानक लाईट गेल्याने ८ वर्षांचा एक मुलगा लिफ्टमध्ये अडकला होता. जेव्हा त्याच्या वडिलांना हे कळले तेव्हा ते जनरेटर रूमकडे धावले परंतु छातीत दुखू लागल्याने ते खाली पडले. यातच वडिलांचा मृत्यू झाला. या घटनेने सर्वांनाच मोठा धक्का बसला.