'मुस्लिमांना नष्ट करण्यासाठी...', वक्फ दुरुस्ती विधेयकाला असदुद्दीन ओवेसींचा विरोध

संयुक्त संसदीय समितीने आज लोकसभेत वक्फ दुरुस्ती विधेयकावरील आपला अहवाल सादर केला.

Waqf Bill : वक्फ दुरुस्ती विधेयकावर अहवाल तयार करण्यासाठी स्थापन झालेल्या संयुक्त संसदीय समितीने (जेपीसी) आज(13 फेब्रुवारी) आपला अहवाल लोकसभेत सादर केला. समितीचे प्रमुख जगदंबिका पाल आपला अहपाल सादर करत असताना विरोधकांनी संसदेत प्रचंड गदारोळ केला. अनेक खासदारांचा या विधयाकाला विरोध आहे. यामध्ये एआयएमआयएम प्रमुख असदुद्दीन ओवेसी यांचाही समावेश आहे. 

ओवेसींची टीका
'हे वक्फ विधेयक मुस्लिमांना नष्ट करण्यासाठी आणले जात आहे. हे असंवैधानिक असून, मुस्लिमांना त्यांच्या उपासनेपासून दूर ठेवण्यासाठी सरकार हे विधेयक आणत आहे. या विधेयकावर चर्चेसाठी ज्या लोकांना बोलावण्यात आले, त्यांचा या विधेयकाशी काहीही संबंध नव्हता. मुस्लिमांकडून मशिदी, दफनभूमी आणि दर्गे हिसकावून घेण्यासाठी सरकारने हे विधेयक आणले आहे', अशी टीका असदुद्दीन ओवेसी यांनी केली.

Delhi: AIMIM MP Asaduddin Owaisi on JPC report regarding the Waqf (Amendment) Bill says, "...Waqf Bill being introduced is not only unconstitutional but also a grave violation of fundamental rights under Articles 14, 15, and 29. This bill is not meant to protect Waqf but to seize… pic.twitter.com/7HKSTq4x96

— IANS (@ians_india) February 13, 2025

खर्गे यांनी निशाणा साधला
राज्यसभेतील विरोधी पक्षनेते मल्लिकार्जुन खरगे यांनीही या विधेयकावर टीका केली. 'जेपीसीच्या अहवालावर अनेक सदस्यांनी असहमती नोंदवली होती, पण ती काढून टाकण्यात आली. फक्त बहुमतामुळे अहवाल पुढे नेणे, हे लोकशाहीविरोधी आणि निषेधार्ह आहे. हे संसदीय परंपरेच्या विरोधात असून, सरकार लोकशाही विरोधी आवाज दाबत आहे,' अशी टीका त्यांनी केली.

#WATCH | Delhi: After tabling of JPC report in Parliament today, Chairman of JPC on Waqf (Amendment) Bill, 2024, BJP MP Jagdambika Pal says, "If the Opposition has brought up this issue (dissent notes note included in report), and on it, the Union Home Minister has said that his… pic.twitter.com/ArUktJH1mg

— ANI (@ANI) February 13, 2025

इतर विरोधक काय म्हणाले?
तर, वक्फ विधेयकावर मेहबुबा मुफ्ती म्हणतात, "भाजपला फक्त मतांची गरज आहे. आधी कलम 370 च्या नावाखाली हे केले, मग मंदिर-मशीद वाद आणि आता वक्फ विधेयक आणले.' समाजवादी पक्षाचे खासदार अवधेश प्रसाद म्हणाले, 'या विधेयकाबाबत विरोधकांच्या सूचनांकडे पूर्णपणे दुर्लक्ष करण्यात आले. देशातील महत्त्वाच्या मुद्द्यांवरून लक्ष हटवण्यासाठी हे विधेयक आणण्यात आले आहे. आमचा या विधेयकाला विरोध आहे, कोणत्याही परिस्थितीत मंजूर होऊ देणार नाही.'