सूरत अग्नितांडव: दोघांवर अटकेची कारवाई, मृतांचा आकडा 20वर पोहोचला
By ऑनलाइन लोकमत | Published: May 25, 2019 10:30 AM2019-05-25T10:30:06+5:302019-05-25T10:31:17+5:30
Surat Fire: या दुर्घटनेप्रकरणी प्रशासनाने सुरतमधील अशा कोचिंग क्लासेसवर बंदी घातली आहे.
सूरत अग्नितांडव: दोघांवर अटकेची कारवाई, मृतांचा आकडा 20वर पोहोचला
सूरत : सुरतमधील सरथाणा परिसरात असलेल्या तक्षशीला इमारतीला आग लागल्यामुळे काल सायंकाळी 20 विद्यार्थांच्या मृत्यू झाला. याप्रकरणी पोलिसांनी गुन्हा दाखल केला असून याचा तपास सूरत क्राइम ब्रांचकडे सोपविला आहे.
काल शुक्रवारी संध्याकाळी साडेचारच्या सुमारास तक्षशीला इमारतीच्या चौथ्या मजल्यावर ही भीषण आग लागली होती. या इमारतीत चौथ्या मजल्यावर एक कोचिंग क्लास घेण्यात येत होता. याच कोचिंग क्लासमध्ये ही आग लागली होती. आग लागल्यानंतर क्लासमध्ये एकच गोंधळ उडाला आणि बाहेर निघायला कुठलाही मार्ग नसल्याने जीव वाचण्यासाठी विद्यार्थ्यांनी चक्क चौथ्या मजल्यावरुन खाली उड्या मारल्या. यात 20 विद्यार्थ्यांचा मृत्यू झाला.
Gujarat: Surat police filed an FIR against three people including builders of the complex- Harshal Vekaria and Jignesh, and the owner of the coaching centre Bhargav Bhutani #SuratFirepic.twitter.com/ALih4xJBJZ
— ANI (@ANI) May 25, 2019
या दुर्घटनेप्रकरणी प्रशासनाने सुरतमधील अशा कोचिंग क्लासेसवर बंदी घातली आहे. अग्नीशमन विभागाने एनओसी दिल्यानंतरच कोचिंग क्लासेसवरील बंदी हटविण्यात येणार आहे. तर इमारत आग प्रकरणी पोलिसांनी गुन्हा दाखल केला असून कोचिंग क्लासेसच्या दोन संचालकांना अटक केली आहे. तसेच, या प्रकरणाचा तपास सूरत क्राइम ब्रांचकडे सोपविला आहे.
Surat fire: 20 killed; fire brigade arrives late, claim witnesses
— ANI Digital (@ani_digital) May 25, 2019
Read @ANI story | https://t.co/eN1hpaI2Hzpic.twitter.com/WOdG1Raq4Y
दरम्यान, गुजरातचे मुख्यमंत्री विजय रुपानी यांनी स्थानिक प्रशासनाला तातडीने आगीची चौकशी करण्याचे आणि या घटनेतील मृतांच्या नातेवाईकांना प्रत्येकी 4 लाख रुपयांची आर्थिक मदत करण्याचे आदेश दिले आहेत. याशिवाय, पंतप्रधान नरेंद्र मोदी यांनीही आगीच्या दुर्घटनेबाबत दु:ख व्यक्त केले असून स्थानिक प्रशासनाला मदत करण्याचे आदेश दिले आहेत.
Ketan: There was smoke, I did not know what to do. I took the ladder, first helped the children get out of the place, managed to save 8-10 people. Later I managed to rescue 2 more students. Fire brigade came after 40-45 minutes. #SuratFire#Gujaratpic.twitter.com/k5f3HbecCI
— ANI (@ANI) May 25, 2019
