Raja Raghuvanshi : सस्पेन्स वाढला! राजा आणि सोनमचं मेघालयमध्ये झालं भांडण? भावाला आल्या धमक्या

Raja Raghuvanshi : राजा आणि सोनम रघुवंशी प्रकरणातील सस्पेन्स दिवसागणिक वाढत आहे. याच दरम्यान राजाचा मृतदेह सापडला. मात्र सोनमचा अजूनही कोणताही पत्ता लागलेला नाही.

राजा आणि सोनम रघुवंशी प्रकरणातील सस्पेन्स दिवसागणिक वाढत आहे. याच दरम्यान राजाचा मृतदेह सापडला. मात्र सोनमचा अजूनही कोणताही पत्ता लागलेला नाही. सोनमचे वडील देवी सिंह रघुवंशी यांनी माध्यमांशी बोलताना दावा केला आहे की, त्यांचा मुलगा गोविंदला शिलाँगमध्ये धमक्या दिल्या जात आहेत. स्थानिक प्रशासन सहकार्य करत नाही. आम्ही त्याच्या सुरक्षेसाठी येथून लोक पाठवले आहेत. तसेच राजा आणि सोनमचा तिथल्या कॅफे ऑपरेटरशी वाद झाल्याचाही कुटुंबाला संशय आहे.

राजा रघुवंशीची स्कूटी सोहरीममध्ये सापडली होती. जवळच एक कॅफे होता. कॅफेजवळ ही स्कूटी सापडली होती. यानंतर २ जून रोजी वेइसावडोंगमधील धबधब्याजवळ एका खोल दरीत राजाचा मृतदेह आढळला. तिथे जाताना राजा आणि सोनमचं आईशी बोलणं झालं होतं. सोनम आणि राजाचं येथील कॅफे ऑपरेटरशी भांडण झालं असावं असा कुटुंबाचा संशय आहे. या घटनेपासून कॅफे मालकही बेपत्ता आहे. मात्र पोलिसांनी कुटुंबीयांच्या या दाव्याला दुजोरा दिलेला नाही.

नवा ट्विस्ट! राजा-सोनम हनिमूनसाठी शिलाँगला जाणारच नव्हते, अचानक का बदलला प्लॅन?

"बेटा, मला तुझी आठवण आली, तू काही खाल्लंस का?"; राजा रघुवंशीचा आईसोबतचा शेवटचा संवाद

सोनम रघुवंशी शेवटचं तिच्या सासूशी बोलली. संभाषणादरम्यान तिने सांगितलं की, ती धबधब्यावर जात आहे. सोनमचा भाऊ गोविंद रघुवंशी अजूनही बहिणीच्या शोधात शिलाँगमध्ये आहे. वडिलांनी सांगितलं की, १५-१६ दिवस उलटून गेले आहेत पण मुलीचा कोणताही पत्ता लागलेला नाही. कुटुंबाने पंतप्रधान मोदी आणि अमित शाह यांना मदत करण्याचं आवाहन केलं आहे. 

"माझी हत्या झालीय", भावाच्या स्वप्नात आला राजा; कुटुंबीयांनी केली CBI चौकशीची मागणी

मर्डर मिस्ट्री! "ट्री कटरने हत्या...", राजाच्या पोस्टमॉर्टम रिपोर्टमध्ये धक्कादायक खुलासा; पत्नी बेपत्ता

कुटुंबाचा दावा आहे की, राजा त्याचा भाऊ विपिनच्या स्वप्नात आला होता आणि त्याची हत्या झाल्याचं सांगितलं. कुटुंबीयांनी सीबीआय चौकशीची मागणी केली आहे. इंदूरमध्ये राजाच्या कुटुंबाने घराबाहेर बॅनर लावले आहेत. ज्यावर "राजाचा आत्मा म्हणत आहे - मी मेलेलो नाही, मला मारण्यात आलं आहे. सीबीआय चौकशी झाली पाहिजे" असं म्हटलं आहे. तसेच "राजा माझ्या स्वप्नात आला आणि म्हणाला की, माझी हत्या झाली आहे. आम्हाला सीबीआय चौकशी हवी आहे" असं विपिनने देखील म्हटलं आहे.