‘काही लोक मुख्यमंत्री म्हणून मला पाहू इच्छितात’, सिद्धारामैय्या-शिवकुमार वादात तिसऱ्या नेत्याची एंट्री   

Karnataka Political Update: कर्नाटकमधील काँग्रेस सरकारमध्ये मुख्यमंत्रिपदावरून जोरदार रस्सीखेच सुरू झाली आहे. तसेच मुख्यमंत्री सिद्धारामैय्या आणि उपमुख्यमंत्री डी.के. शिवकुमार हे मुख्यमंत्रिपदावरून आमने सामने आले आहेत. त्यावरून सुरू झालेला वाद थांबण्याचे नाव घेत नसतानाच आता कर्नाटकमधील काँग्रेसच्या आणखी एका बड्या नेत्याने या वादात उडी घेतली आहे.

कर्नाटकमधील काँग्रेस सरकारमध्ये मुख्यमंत्रिपदावरून जोरदार रस्सीखेच सुरू झाली आहे. तसेच मुख्यमंत्री सिद्धारामैय्या आणि उपमुख्यमंत्री डी.के. शिवकुमार हे मुख्यमंत्रिपदावरून आमने सामने आले आहेत. त्यावरून सुरू झालेला वाद थांबण्याचे नाव घेत नसतानाच आता कर्नाटकमधील काँग्रेसच्या आणखी एका बड्या नेत्याने या वादात उडी घेतली आहे. काही लोक मुख्यमंत्री म्हणून मला पाहू इच्छित आहेत, असं सांगत राज्याचे गृहमंत्री जी. परमेश्वर यांनी खळबळ उडवून दिली आहे.

कर्नाटकमध्ये सुरू असलेल्या राजकीय नाट्याबाबत बोलताना राज्याचे गृहमंत्री जी. परमेश्वर म्हणाले की, पक्षामधील विविध नेत्यांच्या मुख्यमंत्रिपदाबाबत आपापल्या आकांक्षा आहेत. कुणाला डी. के. शिवकुमार यांना मुख्यमंत्री म्हणून पाहायचे आहे. तर कुणी सिद्धारामैय्या यांना मुख्यमंत्री कायम राहिलेले पाहू इच्छित आहे. तर काही जण मला मुख्यमंत्रिपदी बसलेलं पाहू इच्छितात. तर कुणी आणखी कुणाला या पदावर आलेलं पाहू इच्छितोय. या इच्छा आकांक्षांना थांबवता येऊ शकत नाही. आता निर्णय हायकमांडच्या हातात आहे. तसेच पक्षाचे हायकमांड यावर लक्ष देऊन यावर तोडगा काढतील.

मिळालेल्या माहितीनुसार सिद्धारामैय्या यांच्याशी झालेल्या बैठकीनंतर डी.के. शिवकुमार हे दिल्लीत जाणार आहेत. तसेच तिथे ते काँग्रेसचे राष्ट्रीय अध्यक्ष डी.के. शिवकुमार यांची भेट घेणार आहेत. त्यानंतर ते काँग्रेसचे ज्येष्ठ नेते राहुल गांधी यांची भेट घेतील. तर सिद्धारामैय्या यांनी आपली भूमिका स्पष्ट असल्याचं मत मांडलं आहे.  ‘हायकमांड जो निर्णय घेतील तो मला मान्य असेल, असं त्यांनी सांगितलं आहे. म्हणूनच मी डी. के. शिवकुमार यांना सकाळी नाश्त्यासाठी बोलावलं आहे. तसेच शिवकुमार यांनीही हायकमांडचा निर्णय मान्य असेल, असं सांगितलेलं आहे, असे सिद्धारामैय्या म्हणाले होते.