सिंगल....

दुचाकीसह दोन सायकली पेटविल्या
काचूरवाही : अज्ञात आरोपीने घरासमोर उभी असलेल्या दुचाकीसह दोन सायकली पेटविल्याची घटना मंगळवारी मध्यरात्री काचूरवाही येथे घडली. फिर्यादी दिलीप पांडुरंग नाटकर (३५) यांनी आपल्या खंडाळा मार्गावरील राहत्या घरासमोर बजाज डिस्कव्हर दुचाकी व दोन सायकली उभ्या ठेवल्या होत्या. दरम्यान, अज्ञात आरोपींनी त्यांच्या दुचाकी व सायकली पेटविल्या. घराच्या खिडकीतून धूर आल्यानंतर त्यांना दुचाकी व सायकली जळत असल्याचे आढळले. आग विझविण्यापूर्वीच दुचाकी व सायकली खाक झाल्या होत्या. यात त्यांच्या दुचाकीची कागदपत्रेही जळाली असून ५० हजार रुपयांचे नुकसान झाले असल्याचे नाटकर यांनी सांगितले. या प्रकरणी फिर्यादी नाटकर यांच्या तक्रारीवरून रामटेक पोलिसांनी अज्ञात आरोपीविरुद्ध गुन्हा नोंदवून तपास सुरू केला आहे. (वार्ताहर)