धक्कादायक! मुलाच्या मानेवर चाकू ठेऊन पतीसमोर महिलेवर सामूहिक बलात्कार

उत्तर प्रदेशातील मुजफ्फरनगर जिल्ह्यात पतीसमोर महिलेवर सामूहिक बलात्कार झाल्याची घटना समोर आली आहे.

ठळक मुद्देउत्तर प्रदेशातील मुजफ्फरनगर जिल्ह्यात पतीसमोर महिलेवर सामूहिक बलात्कार झाल्याची घटना समोर आली आहे. मुलाच्या मानेवर चाकू ठेवून तसंच बंदूकीचा धाक दाखवून महिलेला ऊसाच्या शेतात नेऊन सामूहिक बलात्कार केला.

मुजफ्फरनगर- उत्तर प्रदेशातील मुजफ्फरनगर जिल्ह्यात पतीसमोर महिलेवर सामूहिक बलात्कार झाल्याची घटना समोर आली आहे. ही घटना जिल्हापासून जवळ असलेल्या भोपा कस्बे भागात घडली. शुक्रवारी सकाळी पीडित महिला तिच्या पतीसोबत गाडीवरून एका गावातून परतत असताना ही घटना घडली. यामध्ये सगळ्यात धक्कादायक म्हणजे पीडित महिला आणि तिच्या पतीसोबत त्यांचं तीन महिन्याचं बाळ होतं. मुलाला डॉक्टरांकडे घेऊन हे दांपत्य गेलं होतं. तिथून परतत असताना ही घटना घडल्याची माहिती मिळते आहे. पोलीस अधीक्षक अजय सचदेव यांनी ही माहिती दिली आहे.

Muzaffarnagar: Woman allegedly gang raped by four men at gun point before her husband

— ANI UP (@ANINewsUP) October 6, 2017

पीडित महिलेने दिलेल्या माहितीनुसार, सकाळी अकरा वाजता निरगाजनी गावाजवळच्या रस्त्यावर कारमध्ये असलेल्या चार जणांनी महिला आणि तिच्या पतीला घेरून त्या मुलाला त्यांच्याकडून हिसकावून घेतलं. तसंच पीडितेच्या पतीला बांधून ठेवलं. त्यानंतर मुलाच्या मानेवर चाकू ठेवून तसंच बंदूकीचा धाक दाखवून महिलेला ऊसाच्या शेतात नेऊन सामूहिक बलात्कार केला. या घटनेची कुठेही माहिती द्यायची नाही, अशी धमकीही या नराधमांनी त्या दोघांना दिली. आरोपी पीडित महिलेच्या पतीला मारहाण करून ते तेथून पसार झाले. घटनास्थळी त्या दोघांनी आरडाओरडा केल्यानंतर बाजूच्या गावातील काही लोक तेथे त्यांची मदत करण्यासाठी आले. तुमच्या मुलाला मारून टाकू अशी धमकी आरोपी देत असल्याचं पीडित महिलेने सांगितलं आहे. 

FIR has been registered, medical examination of both the victim and her husband being done; investigation underway: SP pic.twitter.com/Fygp8g4HCJ

— ANI UP (@ANINewsUP) October 6, 2017

गावातील नागरिकांनी पोलिसांना या घटनेती माहिती दिली असून महिलेला आणि तिच्या पतीला वैद्यकीय तपासणीसाठी पाठविण्यात आलं आहे. याप्रकरणी चार जणांच्याविरोधात गुन्हा दाखल करण्यात आला आहे. पण आरोपींची अजूनही ओळख पटलेली नाही. 

दरम्यान, आधी ऑगस्ट महिन्यात मुज्जफरनगरमध्ये अशा प्रकारची घटना घडली होती. अकरावीमध्ये शिकणाऱ्या तरूणीवर तीन जणांनी सामूहिक बलात्कार केला होता. पीडित तरूणी त्या नराधमांना ऊसाच्या मळात तिच्या मित्राबरोबर सापडली होती. या घटनेनंतर तीनही आरोपींना अटक करण्यात आलं.