काश्मीरमधील सोनमर्ग येथे शुक्रवारी अचानक झालेल्या हिमस्खलनामुळे मोठी दुर्घटना घडली आहे. ही दुर्घटना श्रीनगर-लेह महामार्गावरील जोजिला पास जवळील झीरो पॉईंट परिसरात घडली आहे. या दुर्घटनेत २ जणांचा मृत्यू झाला आहे. तर अनेकजणांना वाचवण्यात आलं आहे. अचानक झालेल्या हिमस्खलनामुळे ६ ते आठ गाड्या बर्फाखाली दबल्याने या ठिकाणी अजून अनेक जण अडकले असण्याची भीती व्यक्त केली जात आहे.
श्रीनगरवरून कारगिल आणि लेहच्या दिशेने वाहनांचा एक ताफा जात असतानाच जोजिला पास येथील झीरो पॉईंटजवळ अचानक पर्वतावरून बर्फाचा एक मोठा तुकडा खाली कोसळला. तसेच या बर्फाखाली अनेक वाहने सापडली.
या दुर्घटनेच्या प्राथमिक माहितीमध्ये दोन जणांचा मृत्यू झाल्याच्या वृत्ताला दुजोरा देण्यात आला आहे. तर इतर अनेकजण जखमी झाले आहेत. दुर्घटनेनंतर गांदरबल पोलीस आणि इतर आपत्तीव्यवस्थापन एजन्सींनी मोठ्या प्रमाणात बचाव अभियान सुरू केलं आहे.
Web Summary : A sudden avalanche near Zojila Pass on the Srinagar-Leh highway trapped vehicles, resulting in two fatalities. Rescue operations are underway as many are feared trapped under the snow.
Web Summary : श्रीनगर-लेह राजमार्ग पर ज़ोजीला दर्रे के पास अचानक हिमस्खलन से वाहन फंस गए, जिसमें दो लोगों की मौत हो गई। बचाव अभियान जारी है क्योंकि कई लोगों के बर्फ के नीचे फंसे होने की आशंका है।