SDM नां केली मारहाण, ४ गर्लफ्रेंड, त्यापैकी ३ प्रेग्नंट, बोगस IAS चा प्रताप, कोण आहे तो?  

Uttar Pradesh Crime News: उत्तर प्रदेश मधील गोरखपूर येथून पकडण्यात आलेला बोगस आयएएस अधिकारी गौरव कुमार सिंह उर्फ ललित किशोर याचे धक्कादायक कारनामे समोर आले आहेत. त्याने एका एसडीएमनां मारहाण केल्याचं समोर आलं आहे. एवढंच नाही तर त्याच्या ४ गर्लफ्रेंड असून, त्यापैकी ३ जणी गर्भवती असल्याची धक्कादायक माहिती उघडकीस आली आहे.

उत्तर प्रदेश मधील गोरखपूर येथून पकडण्यात आलेला बोगस आयएएस अधिकारी गौरव कुमार सिंह उर्फ ललित किशोर याचे धक्कादायक कारनामे समोर आले आहेत. त्याने एका एसडीएमनां मारहाण केल्याचं समोर आलं आहे. एवढंच नाही तर त्याच्या ४ गर्लफ्रेंड असून, त्यापैकी ३ जणी गर्भवती असल्याची धक्कादायक माहिती उघडकीस आली आहे.

एमएससीपर्यंत शिक्षण घेतल्यानंतर गौरव कुमार सिंह ऊर्फ ललित किशोर हा कोचिंग शिक्षक बनल. मात्र काही तरी मोठं करण्याची इच्छा असल्याने तिथे तो रुळला नाही. त्याचदरम्यान, त्याने बनावट आयएएस अधिकारी बनून रुबाब दाखवण्याचा आणि कोट्यवधी रुपये लाटण्याची जबरदस्त योजना आखली. एकीकडे तो क्लासमध्ये शिकवत होता, तर दुसरीकडे आपला आयएएसचा प्रोटोकॉल मेंटेन करण्यासाठी भलीमोठी रक्कम खर्च करायचा. याचदरम्यान, त्याने चार गर्लफ्रेंडसुद्धा पटवल्या.

गौरव कुमार सिंह ऊर्फ ललित किशोर हा पांढऱ्या इनोव्हा कारवर लाल-निळ्या बत्त्या लावून गावात फिरायचा. एकदा तो बिहारमधील भागलपूर परिसरात गेला असताना त्याची भेट एका खऱ्या एसडीएमशी झाली. त्यावेळी बॅच आणि रँकबाबत त्यांनी गौरवला काही प्रश्न विचारले. त्यामुळे संतापलेल्या गौरवने त्यांच्यावर दोन थपडा मारल्या. आश्चर्याची बाब म्हणजे एसडीएम यांनी याची कुठे तक्रारही केली नाही.

दरम्यान, बिहारमध्ये विधानसभा निवडणूक सुरू असताना गोरखपूर पोलिसांनी पकडण्यात आलेल्या ९९ लाख रुपयांच्या तपासादरम्यान बनावट आयएएस अधिकारी गौरव कुमार सिंह ऊर्फ ललित किशोर याला अटक केली. दरम्यान, त्याच्या एकूण चार गर्लफ्रेंड असून, त्यापैकी तिघीजणी ह्या गर्भवती असल्याची माहिती तपासामधून उघडकीस आली.

भूमिगत असताना त्याने एका तरुणीसोबत प्रेमाचं नाटक करून तिच्यासोबत मंदिरात लग्न केलं. त्यानंतर मेहुणा अभिषेक याच्या मदतीने लोकांना नोकरी आणि सरकारी ठेके देण्याच्या नावाखाली फसवणुकीचा धंदा सुरू केला. यादरम्यान, त्याने सोशल मीडियावर आयएएस अधिकाऱ्याची बनावट प्रोफाईल सुरू केली. तसेच तरुणींशी मैत्री करण्यास सुरुवात केली. दरम्यान, पोलिसांना त्याच्या मोबाईलमधून बरेच चॅट सापडले आहेत. त्यामधून त्याच्या चार गर्लफ्रेंड असून, त्यापैकी तिघीजणी गर्भवती असल्याचं निष्पन्न झालं आहे. मात्र या तरुणींना गौरव हा बनावट आयएएस अधिकारी असल्याची आणि विवाहित असल्याची काहीही माहिती नव्हती. आता या प्रकरणी पोलीस अधिक तपास करत आहेत.