अमित शहांनी ठिकाण-वेळ ठरवावी, मी चर्चेला तयार : केजरीवाल

शहा म्हणतील त्या विषयावर मी चर्चा करायला तयार असल्याचे सुद्धा केजरीवाल म्हणाले.

नवी दिल्ली :दिल्लीतील विधानसभा निवडणुकीच्या मतदानाला अवघ्या दोन दिवसांचा कालावधी उरला असताना राजकीय वातवरण तापताना दिसत आहे. विशेष करून भाजप आणि आम आदमी पार्टीच्या नेते एकेमकांवर आरोप करण्याची एकही संधी सोडत नाही. गृहमंत्री अमित शहांनी मुख्यमंत्री अरविंद केजरीवाल यांना विकासाच्या मुद्यावर चर्चा करण्याचे आव्हान दिले होते. त्यांचे हे आव्हान केजरीवाल यांनी स्वीकारले आहे.

केजरीवाल यांनी भाजपवर टीका करताना, भाजपचा मुख्यमंत्री पदाचा उमेदवार कोण आहे? असा प्रश्न उपस्थित केला होता. त्यांच्या प्रश्नाला उत्तर देताना अमित शहा म्हणाले होते की, आमचा मुख्यमंत्री पदाचा उमेदवार कोण आहे असे विचारणाऱ्या केजरीवाल यांच्यासोबत मला विकासाच्या मुद्यावर चर्चा करायची आहे.

केजरीवाल कह रहे हैं कि भाजपा का सीएम प्रत्याशी कौन है, मैं उनके साथ विकास के मुद्दे पर चर्चा करना चाहता हूं।

केजरीवाल जी, चर्चा के लिए सीएम प्रत्याशी की जरूरत नहीं है। हमारे कार्यकर्ता विकास पर चर्चा कर सकते हैं।

दिल्ली का हर नागरिक भाजपा का सीएम प्रत्याशी है: श्री @AmitShahpic.twitter.com/WiV7paPihm

— BJP (@BJP4India) February 4, 2020

यावर उत्तर देताना केजरीवाल म्हणाले की, शहा यांनी ठिकाण आणि वेळ ठरवावी मी त्यांच्या सोबत प्रत्येक मुद्यावर चर्चा करायला तयार आहे. या चर्चेत दिल्लीतील प्रत्येक प्रश्नावर आपण बोलू, तसेच शहा म्हणतील त्या विषयावर मी चर्चा करायला तयार असल्याचे सुद्धा केजरीवाल म्हणाले.

मैं अमित शाह जी को दिल्ली चुनाव के मुद्दों पर बहस करने के लिए आमंत्रित करता हूँ। हर मुद्दे पर बहस करने के लिए तैयार हूँ। pic.twitter.com/3Ff4kGMd8z

— Arvind Kejriwal (@ArvindKejriwal) February 5, 2020