IAS आधिकाऱ्याच्या 'रेपिस्तान' ट्विटवर बॉसचे 'लवलेटर'

त्यांच्याविरुद्ध विभागानं कारवाई सुरु केली आहे.

नवी दिल्ली - महिलांवरील वाढते आत्याचार आणि बलात्कार प्रकरणावर ट्विट करणे आयएएस आधिकाऱ्याला चांगलेच महागात पडले आहे. जम्मू-काश्मीरमध्ये 2010 बॅचचे आयएएस अधिकारी शाह फैजल यांच्याविरुद्ध त्यांच्या विभागानं कारवाई सुरु केली आहे. शाह यांनी 22 एप्रिल रोजी रेपिस्तानवर एक ट्विट केले होते. यामध्ये त्यांनी 'पितृसत्ताक पद्धती + लोकसंख्या + निरक्षरता + दारू + पॉर्न + तंत्रज्ञान+ अराजकता = रेपिस्तान' असं ट्विट शाह फैजल यांनी केले होते. या ट्विटमुळे त्यांच्या विभागानं कारवाई सुरु केली आहे. याबाबत फैजल यांना बॉसकडून मेलवर एक 'पत्र' मिळाले आहे. त्यानंतर त्यांनी ते सोशल मीडियावर मिश्किलपणे ट्विट करत पोस्ट केले आहे.

काय केले ट्विट - 

Love letter from my boss for my sarcastic tweet against rape-culture in South Asia.
The Irony here is that service rules with a colonial spirit are invoked in a democratic India to stifle the freedom of conscience.
I'm sharing this to underscore the need for a rule change. pic.twitter.com/ssT8HIKhIK

— Shah Faesal (@shahfaesal) July 10, 2018

'दक्षिण आशियात रेप कल्चर विरुद्ध माझ्या मिश्किल ट्विटवर माझ्या बॉसनं धाडलेलं हे लव्ह लेटर... लोकशाही व्यवस्थेत आपलं मत मांडण्याच्या स्वातंत्र्यावर बंधनं आणण्य़ाचा (ब्रिटिशांच्या) वसाहतकाळातील नियम असं संबोधत फैजल यांनी आपल्याला मिळालेल्या पत्राचे फोटो ट्वीटमध्ये पोस्ट केले आहेत.   

22 एप्रिल रोजी केलेले ट्विट - 

Patriarchy+Population+Illiteracy+Alcohol+Porn+Technology+Anarchy = Rapistan!

— Shah Faesal (@shahfaesal) April 22, 2018

कोण आहेत फैजल - 
फैजल हे जम्मू-काश्मीर राज्याच्या वीज विकास निगम कॉर्पोरपेशनचे माजी मॅनेजिंग डायरेक्टर आहेत. ते सिव्हिल सर्व्हिस परिक्षेत टॉपर ठरणारे पहिले आणि एकमेव काश्मीरी आहेत. सध्या ते जम्मू - काश्मीर सरकारच्या सेवेतून सुट्टीवर आहेत... आणि फुलब्राईट स्कॉलरशिप घेऊन अमेरिकेत गेलेले आहेत.