फुटपाथवर सर्वांसमोर होत राहिला एका महिलेवर बलात्कार, लोकांनी मदत करण्याऐवजी काढले व्हिडीओ

दारुच्या नशेत असणारा एक व्यक्ती फूटपाथवर महिलेवर बलात्कार करत असतानाचा एक धक्कादायक व्हिडीओ समोर आला आहे. महिलेवर बलात्कार होत असताना लोक मात्र मदत करण्याऐवजी तिथे उभं राहून नुसतं पाहत होते.

ठळक मुद्दे दारुच्या नशेत असणारा एक व्यक्ती फूटपाथवर महिलेवर बलात्कार करत असतानाचा एक धक्कादायक व्हिडीओ समोर आला आहेमहिलेवर बलात्कार होत असताना लोक मात्र मदत करण्याऐवजी तिथे उभं राहून नुसतं पाहत होतेही संपुर्ण घटना एक रिक्षाचालकाने आपल्या मोबाइलमध्ये कैद केली, आणि नंतर पोलिसांना कळवलंपोलिसांनी आरोपीला अटक केली आहे

विशाखापट्टणम - दारुच्या नशेत असणारा एक व्यक्ती फूटपाथवर महिलेवर बलात्कार करत असतानाचा एक धक्कादायक व्हिडीओ समोर आला आहे. महिलेवर बलात्कार होत असताना लोक मात्र मदत करण्याऐवजी तिथे उभं राहून नुसतं पाहत होते. माणुसकीला काळीमा फासणारी ही घटना आंध्रप्रदेशमधील विशाखापट्टणम येथे घडली आहे. महिलेवर बलात्कार करणा-या आरोपीची ओळख पटली असून त्याचं नाव शिवा आहे. पोलिसांनी त्याला अटक केली आहे. आरोपी शिवा ट्रक ड्रायव्हर असून, बलात्कार केला तेव्हा तो दारुच्या नशेत होता. ही संपुर्ण घटना एक रिक्षाचालकाने आपल्या मोबाइलमध्ये कैद केली, आणि नंतर पोलिसांना कळवलं. मिळालेल्या माहितीनुसार, ही घटना 22 ऑक्टोबरची आहे. रेल्वे न्यू कॉलनी आणि रेल्वे स्थानकादरम्यान दुपारी दोन वाजताच्या दरम्यान हा बलात्कार झाल्याचं सांगितलं जात आहे. 

पोलीस निरीक्षक जी व्ही रमन यांनी आरोपी शिवाला अटक केल्याची माहिती दिली आहे. पुढे बोलताना त्यांनी सांगितलं की, 'महिलेचं आपल्या पतीसोबत भांडण झालं असल्या कारणाने ती घराबाहेर पडली होती. फुटपाथवर महिला एकटी असल्याची संधी साधत आरोपी शिवाने तिच्यावर हल्ला केला. आरोपीला दारु आणि अंमली पदार्थांच्या आहारी गेला आहे. घटनेचा जो व्हिडीओ समोर आला आहे त्यामध्ये बलात्कार होत असताना लोक तेथून जाताना दिसत आहेत. पण पीडित महिलेच्या मदतीसाठी कोणीच पुढे येताना दिसत नाहीये. पीडित महिलेचा पती एक कामगार आहे. दोघांमध्ये सकाळी भांडण झालं होतं. सध्या पीडित महिलेला उपचारासाठी केजी रुग्णालयात दाखल करण्यात आलं आहे.' 

दुसरीकडे पोलीस अधिका-यांचा दावा आहे की, 'घटनेची माहिती मिळताच पीसीआर तात्काळ घटनास्थळी दाखल झाली होती. पण तोपर्यंत आरोपी फरार झाला होता'.

घटनेचा व्हिडीओ पाहिल्यानंतर पोलिसांना आश्चर्याचा धक्का बसला आहे. अशाप्रकारे आपल्या डोळ्यांसमोर एक व्यक्ती महिलेवर बलात्कार करत असताना एकाही व्यक्तीने पुढे येऊन मदत करण्याचं धाडस दाखवलं नसल्याचं पोलिसांना आश्चर्य वाटत आहे. पीडित महिलेने पोलिसांना सांगितलं आहे की, 'आपलं कुटुंब आर्थिक आणि सामाजिकदृष्ट्या मागासलेलं आहे. पतीसोबत भांडण झाल्यावर कुठे जाऊ हे कळत नव्हतं. म्हणूनच मग मी फुटपाथवर आराम करत होती, तेव्हा आरोपीने माझ्यावर हल्ला केला'. पोलिसांनी आरोपी शिवाला अटक केली आहे.