सामान्यांचा खर्च वाढतोय अन् उत्पन्न कमी..; राहुल गांधींचा केंद्र सरकारवर निशाणा

Rahul Gandhi Slams BJP: 'भारत जगातील चौथी सर्वात मोठी अर्थव्यवस्था बनला आहे, परंतु सामान्य लोकांना त्याच समस्यांना तोंड द्यावे लागत आहे.'

Rahul Gandhi Slams BJP: काँग्रेस खासदार राहुल गांधी यांनी देशातील सामान्य नागरिकांच्या आर्थिक स्थितीबद्दल चिंता व्यक्त करताना केंद्र सरकारवर निशाणा साधला. त्यांनी एक्स वर पोस्ट केली, ज्यामध्ये त्यांनी देशाच्या आर्थिक स्थितीबद्दल आणि सामान्य लोकांच्या समस्यांबद्दल सरकारला प्रश्न विचारले आहेत.

राहुल गांधींनी केंद्राला घेरताना म्हटले की, सरकार म्हणते की, भारत जगातील चौथी सर्वात मोठी अर्थव्यवस्था बनला आहे, परंतु सामान्य लोकांना त्याच समस्यांना तोंड द्यावे लागत आहे. आपल्या पोस्टमध्ये त्यांनी दुचाकी, मोबाईल आणि कारच्या विक्रीची आकडे शेअर केली आहे. 

'विक्री कमी, खर्च जास्त'
राहुल गांधी म्हणाले की, गेल्या एका वर्षात दुचाकी विक्रीत १७%, कार विक्रीत ८.६% आणि मोबाईल बाजारात ७% घट झाली आहे. हे फक्त आकडे नाहीत, हे प्रत्येक सामान्य भारतीय ज्या आर्थिक दबावाखाली त्रस्त आहे, त्याचे वास्तव आहे. या घसरणीचा अर्थ असा आहे की, यामुळे लोकांचे उत्पन्न कमी होत आहे. या आकडेवारीमुळे लोकांचे खर्च आणि कर्ज दोन्ही वाढत असल्याचे दिसून येते. घरभाडे असो, मुलांच्या शिक्षणाचा खर्च असो, दैनंदिन गरजा असोत, महागाई शिगेला पोहोचली असल्याची टीका त्यांनी केली.

आंकड़े सच बोलते हैं।

पिछले एक साल में टू-व्हीलर की बिक्री 17% और कार की बिक्री 8.6% घट गई है। वहीं मोबाइल मार्केट 7% गिर गया है।

दूसरी तरफ, ख़र्च और कर्ज़ - दोनों लगातार बढ़ रहे हैं: मकान का किराया, घरेलू महंगाई, शिक्षा का खर्च, लगभग हर चीज़ महंगी होती जा रही है।

ये सिर्फ़…

— Rahul Gandhi (@RahulGandhi) June 5, 2025

राहुल गांधी पुढे म्हणतात, जनतेला तुमच्या मोठ्या घटना पाहण्यात रस नाही. सरकारने घटनांच्या झगमगाटावर नव्हे तर सामान्य लोकांच्या समस्या आणि सत्यावर लक्ष केंद्रित केले पाहिजे. सरकार मोठमोठ्या योजना आणि घोषणा करत राहते, परंतु त्या सामान्य लोकांच्या दैनंदिन समस्यांकडे लक्ष देत नाही. आपल्याला अशा राजकारणाची आवश्यकता आहे, जे घटनांच्या झगमगाटाशी जोडलेले नाही, तर सामान्य जीवनाच्या सत्याशी जोडलेले आहे. आपल्याला अशा अर्थव्यवस्थेची आवश्यकता आहे, जी केवळ काही भांडवलदारांसाठी नाही, तर प्रत्येक भारतीयासाठी काम करते. एकीकडे श्रीमंत श्रीमंत होत आहेत, तर दुसरीकडे गरीब गरीब होत आहेत. सरकारला भांडवलदारांची काळजी आहे, अशीही टीका त्यांनी केली.