'त्यावेळी जे घडले, ते अत्यंत चुकीचे होते', 1984 च्या शीख दंगलीबाबत राहुल गांधींचे मोठे विधान

Rahul Gandhi News: काँग्रेस नेते राहुल गांधींचा एक व्हिडिओ सध्या व्हायरल होत आहे.

Rahul Gandhi on Sikh Riots: काँग्रेस नेते राहुल गांधी यांचा एक व्हिडिओ सध्या सोशल मीडियावर मोठ्या प्रमाणात व्हायरल होत आहे. या व्हिडिओमध्ये राहुल गांधी अमेरिकेतील ब्राउन विद्यापीठातील एका कार्यक्रमादरम्यान विद्यार्थ्यांशी संवाद साधताना दिसत आहेत. या कार्यक्रमादरम्यान एका शीख विद्यार्थ्याने राहुल गांधींना 1984 च्या दंगली आणि शीख मुद्द्यांवर काही प्रश्न विचारले.

Question : What about 1984 riots against the Sikhs?

Rahul Gandhi : I was not there in politics that time, but i take responsibility. It was unfortunate.

Modi is not taking responsibility as PM but RaGa apologizing for 1984. 🫡

We need him as Prime Minister 🔥 pic.twitter.com/WnqheqIg5b

— Amock_ (@Amockx2022) May 4, 2025

त्या विद्यार्थ्याने राहुल गांधींना विचारले की, 'तुम्ही म्हणालात की, राजकारण निर्भय असले पाहिजे, घाबरण्यासारखे काहीही नसावे. पण, आम्हाला फक्त कढा घालायचा नाही, आम्हाला फक्त पगडी बांधायची नाही, आम्हाला अभिव्यक्ती स्वातंत्र्य हवे आहे, जे काँग्रेस पक्षाच्या राजवटीत नव्हते. त्या दंगलीतील आरोपी सज्जन कुमार सारख्या लोकांना संरक्षण देत असलेल्या शीख आवाजांकडे दुर्लक्ष करत असल्याचा आरोपही या विद्यार्थ्याने काँग्रेसवर केला.

राहुल गांधी काय म्हणाले?
यावर राहुल गांधी म्हणाले की, मी नव्हतो, त्यावेळी पक्षाच्या अनेक चुका झाल्या. काँग्रेस पक्षाच्या इतिहासात झालेल्या प्रत्येक चुकीची जबाबदारी घेण्यास मी आहे. मी जाहीरपणे म्हटले आहे की, 80 च्या दशकात जे घडले, ते चुकीचे होते. मी अनेकवेळा सुवर्ण मंदिराला भेट दिली आहे. भारतातील शीख समुदायाशी माझे खूप चांगले संबंध आहेत.

“You haven’t reconciled with the Sikhs,” a young man tells Rahul Gandhi to his face, reminding him of the unfounded fear-mongering he engaged in during his last visit to the US.
It is quite unprecedented that Rahul Gandhi is now being ridiculed not just in India, but around the… pic.twitter.com/rml7JsDYKI

— Amit Malviya (@amitmalviya) May 3, 2025

अमित मालवीय यांची टीका
भाजप आयटी सेलचे प्रमुख अमित मालवीय यांनी एक व्हिडिओ शेअर करून राहुल गांधींवर टीका केली आहे. X वरील पोस्टमध्ये त्यांनी लिहिले की, एका तरुण विद्यार्थ्याने राहुल गांधींना म्हटले की, तुम्ही शिखांशी चांगले वागला नाही . आता राहुल गांधी केवळ भारतातच नव्हे, तर आंतरराष्ट्रीय व्यासपीठांवरही टीकेला सामोरे जात आहेत.