'२४ वर्षे एकही सुट्टी नाही...' PM मोदींच्या ऐतिहासिक कामगिरीवर अमित शाहांकडून गौरोद्गार

PM Narendra Modi : पंतप्रधान नरेंद्र मोदी देशातील सर्वाधिक काळ सत्तेत राहणारे नेते झाले आहेत.

PM Narendra Modi : पंतप्रधान नरेंद्र मोदी यांनी ८,९३१ दिवसांचा कार्यकाळ पूर्ण करत देशातील सर्वाधिक काळ सत्तेत राहणारे नेते म्हणून नवा विक्रम प्रस्थापित केला आहे. त्यांनी सिक्कीमचे माजी मुख्यमंत्री पवन कुमार चामलिंग यांचा ८,९३० दिवसांचा विक्रम मागे टाकला आहे. या पार्श्वभूमीवर केंद्रीय गृहमंत्री अमित शाह यांनी पंतप्रधान मोदींच्या कामाचे  कौतुक केले.

A milestone rooted in service, hard work and unwavering commitment.

Today, PM @narendramodi Ji surpasses the 8,930-day record of former Sikkim CM Pawan Kumar Chamling, becoming the longest-serving head of a government in India.

PM Modi Ji's 8,931 days in public life, first as…

— Amit Shah (@AmitShah) March 22, 2026

गृहमंत्री अमित शाह यांनी सोशल मीडियावर पोस्ट करून पंतप्रधान मोदी यांच्या कार्याचा गौरव केला. त्यांनी म्हटले की, पीएम मोदी यांच्या दशकांतील सेवेमुळे देशात विकास, जनकल्याण आणि जागतिक स्तरावर भारताची प्रतिष्ठा वाढली आहे. गरीबांना हक्क मिळवून देणे, विकासाचे नवे विक्रम निर्माण करणे आणि जागतिक मंचावर भारताचा सन्मान वाढवणे यामुळे देशात मोठा बदल झाला आहे.

शाह पुढे म्हणतात, पंतप्रधान मोदींनी २४ वर्षांहून अधिक काळ एकही सुट्टी न घेता देशसेवा केली, हे त्यांच्या समर्पणाचे मोठे उदाहरण आहे. त्यामुळेच त्यांना देशातील जनतेचे मोठे प्रेम आणि समर्थन मिळाले आहे.

Modi Ji’s decades of Seva have shaped an era of his own. Whether it is giving the poor their rights, setting new landmarks in development or enhancing the nation's pride on global platforms, the Modi era has transformed India unrecognisably.  

Fostering this new India required a…

— Amit Shah (@AmitShah) March 22, 2026

मुख्यमंत्री ते पंतप्रधान असा प्रवास

नरेंद्र मोदी तीन वेळा गुजरातचे मुख्यमंत्री आणि तीन वेळा भारताचे पंतप्रधान झाले. त्यांनी २०१४, २०१९ आणि २०२४ या लोकसभा निवडणुकांमध्ये भाजपला पक्षाला विजय मिळवून दिला. गुजरातचे मुख्यमंत्री आणि नंतर पंतप्रधान म्हणून त्यांनी एकूण ८,९३१ दिवस पदावर राहून देशातील सर्वाधिक काळ शासन करणारे नेते म्हणून विक्रम केला आहे.

सोशल मीडियावरही मोठी लोकप्रियता

मार्च महिन्यात पंतप्रधान नरेंद्र मोदी यांच्या यूट्यूब चॅनलवर ३ कोटी सबस्क्राइबर पूर्ण झाले. तसेच इंस्टाग्रामवर त्यांचे १० कोटी फॉलोअर्स असून, ते जगातील सर्वाधिक फॉलो केले जाणारे नेत्यांपैकी एक आहेत.