Today's Fuel Price : पेट्रोल आणि डिझेल 17 पैशांनी स्वस्त

गेल्या काही दिवसांपासून पेट्रोल आणि डिझेलच्या दरात सातत्यानं घट होत आहे. त्या प्रमाणेच पेट्रोल आणि डिझेलच्या दरात आज पुन्हा घट झाली आहे.

ठळक मुद्देएक लिटर पेट्रोलसाठी मुंबईकरांना आता 83.40 रुपये मोजावे लागणार आहेत. मुंबईकरांना डिझेलसाठी 76.05 रुपये द्यावे लागणार आहेत.राजधानीत प्रतिलिटर पेट्रोल 77.89 रुपये तर डिझेल 72.58 रुपये आहे

नवी दिल्ली- गेल्या काही दिवसांपासून पेट्रोल आणि डिझेलच्या दरात सातत्याने घट होत आहे. त्या प्रमाणेच पेट्रोल आणि डिझेलच्या दरात आज पुन्हा घट झाली आहे. पेट्रोलच्या दरात 17 पैशांची घट होऊन एक लिटर पेट्रोलसाठी मुंबईकरांना आता 83.40 रुपये मोजावे लागणार आहेत. तर डिझेलच्या दरात 17 पैशांची घट होऊन एक लिटर डिझेलसाठी मुंबईकरांना 76.05 रुपये द्यावे लागणार आहेत.

Petrol and diesel prices in #Delhi are Rs 77.89 per litre (decrease by Rs 0.17) and Rs 72.58 per litre (decrease by Rs 0.16), respectively. Petrol and diesel prices in #Mumbai are Rs 83.40 per litre (decrease by Rs 0.17) and Rs 76.05 (decrease by Rs 0.17), respectively. pic.twitter.com/jglQ1gGbLt

— ANI (@ANI) November 10, 2018

दिल्लीत पेट्रोल 17 पैशांनी तर डिझेल 16 पैशांनी स्वस्त झालं असून, राजधानीत प्रतिलिटर पेट्रोलसाठी 77.89 रुपये, तर प्रतिलिटर डिझेलसाठी 72.58 रुपये मोजावे लागणार आहेत.

मागील दोन आठवड्यांपासून पेट्रोल आणि डिझेलच्या दरात सातत्यानं घट होत आहे. इंधनाची किंमत डॉलरचा दर व आंतरराष्ट्रीय बाजारातील कच्च्या तेलाचे भाव यावर निश्चित होते. दोन महिन्यांपासून कच्चे तेल महाग झाले होते. पण आता ते काही प्रमाणात स्वस्त झालं आहे. 6 ऑक्टोबरला पाच राज्यांमधील निवडणुकांच्या तारखा जाहीर झाल्या. निवडणुकांचा प्रचार ऐन रंगात असतानाच, तेल कंपन्यांनी 18 ऑक्टोबरपासून पेट्रोल-डिझेलची दरकपात सुरू केली आहे. यावरून सरकारी तेल कंपन्यांची निवडणुकांना डोळ्यासमोर ठेवून दरकपात केल्याचे दिसून येत आहे. निवडणुका संपताच डिसेंबरात इंधनाचे दर भडकण्याची भीती आहे.