Pariksha Pe Charcha: PM नरेंद्र मोदींची 'परीक्षा पे चर्चा', 38 लाख विद्यार्थ्यांना दिला गुरुमंत्र

Modi Interaction With Students: पंतप्रधान नरेंद्र मोदी यांनी आज 'परीक्षा पे चर्चा' कार्यक्रमातून 38 लाख विद्यार्थ्यांशी संवाद साधला.

Pariksha Pe Charcha With PM Modi: पंतप्रधान नरेंद्र मोदी यांनी आज (27 जानेवारी) परीक्षा पे चर्चा कार्यक्रमाच्या माध्यमातून 38 लाख विद्यार्थ्यांशी संवाद साधला. परीक्षेचा ताण टाळण्यासाठी पंतप्रधान मोदींनी मुलांना गुरुमंत्रही दिला. पंतप्रधान मोदी म्हणाले की, 'परीक्षा पे चर्चा' ही माझीही परीक्षा आहे. देशातील करोडो विद्यार्थी माझी परीक्षा देत आहेत. मला ही परीक्षा देताना आनंद होतोय. कुटुंबांना आपल्या मुलांकडून अपेक्षा असणे स्वाभाविक आहे, परंतु केवळ सामाजिक प्रतिष्ठा टिकवण्यासाठी असेल तर ते धोकादायक ठरते.

राजकारणातही दबाव असतो
पीएम मोदी म्हणाले की, तुमच्याप्रमाणे आम्हालाही आमच्या राजकीय जीवनात अशा दबावाचा सामना करावा लागतो. निवडणुकीत कितीही चांगले निकाल लागले तरी नेहमीच चांगले परिणाम अपेक्षित असतात. विद्यार्थ्यांनो काळजी करू नका, फक्त आरामशीर आणि आनंदी राहून तुमचा सर्वोत्तम देण्याचा प्रयत्न करा. पण दबावाला बळी पडू नका. फक्त तुमच्या कामाकडे लक्ष द्या, तुम्हीही संकटातून बाहेर पडाल.

It is an absolute delight to be among my young friends! Join #ParikshaPeCharcha. https://t.co/lJzryY8bMP

— Narendra Modi (@narendramodi) January 27, 2023

तुमची ध्येये ओळखा
मोदी पुढे म्हणाले, स्वतःमध्ये पहा आणि आत्मपरीक्षण करा. तुम्ही तुमची क्षमता, तुमच्या आकांक्षा, तुमचे ध्येय ओळखले पाहिजे आणि मग त्यांना इतर लोकांच्या अपेक्षांनुसार संरेखित करण्याचा प्रयत्न करा.

वेळेचे व्यवस्थापन शिका
केवळ परीक्षेसाठीच नाही तर जीवनातही वेळेच्या व्यवस्थापनाचे भान ठेवायला हवे. कामे रखडतात, कारण त्यांना वेळेवर पूर्ण केले नसते. काम केल्यावर कधी थकवा जाणवत नाही, उलट समाधान मिळते. काम न केल्याने थकवा जाणवतो. 

कॉपी केल्याने आयुष्य घडत नाही
पीएम मोदी पुढे म्हणाले की, कष्टकरी मुलांना काळजी वाटते की मी मेहनत करतो आणि काही लोक चोरी करून त्यांची कामे करून घेतात. मूल्यांमधील हा बदल समाजासाठी घातक आहे. आता जग बदलले आहे. आज प्रत्येक पावलावर परीक्षा आहे. कॉपी केल्याने आयुष्य घडवता येत नाही, असंही मोदी म्हणाले.