'नुकसान नाही, निकाल महत्वाचा...', ऑपरेशन सिंदूरबाबत CDS अनिल चौहान यांचे सूचक विधान

Operation Sindoor: 'आपण आपल्या चुका समजून घेतल्या पाहिजेत आणि त्या दुरुस्त केल्या पाहिजेत.'

Operation Sindoor: भारताचे संरक्षण प्रमुख (सीडीएस) जनरल अनिल चौहान यांनी पुणे विद्यापीठात "भविष्यातील युद्ध आणि युद्धकला" या विषयावर आयोजित केलेल्या भाषणात ऑपरेशन सिंदूरवरील महत्त्वाची माहिती सांगितली. या ऑपरेशनवरून असे दिसून येते की, युद्ध हे केवळ एक हल्ला नाही, तर राजकारणाचा एक भाग देखील आहे. ऑपरेशन सिंदूरमध्ये युद्ध आणि राजकारण एकाच वेळी चालू असताना आम्हाला एक चांगली काउंटर ड्रोन प्रणाली असल्याचा फायदा झाला, अशी माहिती त्यांनी दिली.

जनरल चौहान म्हणाले, सैन्य म्हणून आम्हाला नुकसान आणि अपयशाचा त्रास होत नाही. आपण आपल्या चुका समजून घेतल्या पाहिजेत आणि त्या दुरुस्त केल्या पाहिजेत. त्यांनी यावेळी स्पष्ट केले की युद्धात, नुकसानापेक्षा निकाल महत्त्वाचा असतो. ऑपरेशन सिंदूर हे युद्ध रणनीतीचे एक उदाहरण होते, ज्यामध्ये कायनॅटिक आणि नॉन-कायनॅटिक युद्ध कौशल्यांचा वापर केला गेला. या युद्धादरम्यान तीन ट्रेंड उदयास आले, जे भविष्यातील युद्धाची रुपरेषा निश्चित करतील.

पहिला: या युद्धादरम्यान सेन्सर तंत्रज्ञान खूप महत्वाचे होते. आपल्याकडे नैसर्गिक आणि मानवनिर्मित दोन्ही सेन्सर्स आहेत. 

दुसरे: या युद्धात ब्रह्मोस सारख्या हायपरसोनिक क्षेपणास्त्रांनी आणि स्टेल्थ तंत्रज्ञानाने खूप महत्त्वाची भूमिका बजावली. 

तिसरे: यामध्ये मानवरहित प्रणाली, स्वायत्त प्रणालींचा समावेश आहे. मानवयुक्त रणगाडे आणि मानवरहित रणगाडे इत्यादी खूप महत्वाचे असल्याचे सिद्ध झाले, किंवा भविष्यातील युद्धांमध्ये यामुळे मानवी धोका कमी होईल, अशी माहिती त्यांनी दिली.

'ऑपरेशन सिंदूर'नंतर ५ मिनिटांनी भारताने का लावला पाकिस्तानला फोन?; CDS चौहान यांचा खुलासा

सीडीएस चौहान यांनी यावेळी दहशतवादाला आळा घालण्यासाठी पाकिस्तानला स्पष्ट इशारा दिला. तसेच, आजचे युद्ध केवळ पारंपारिक शक्तीच्या वापरापुरते मर्यादित नाही, तर ते विविध राजनैतिक, माहितीपर, लष्करी आणि आर्थिक साधनांद्वारे राजकीय उद्दिष्टे साध्य करण्याची प्रक्रिया देखील असल्याची म्हटले.