Gang Rape News: कोलकाता, बदलापूरमधील बलात्काराच्या घटनांनी महिला सुरक्षेचा मुद्दा ऐरणीवर आला आहे. महिलांवरील अत्याचारांच्या घटनांबद्दल देशभरात संताप आणि चिंता व्यक्त होत असतानाच एका महिलेवर कारमध्ये सामूहिक बलात्कार केल्याची घटना घडली आहे. पीडितेची आरोपीसोबत सोशल मीडियावरून ओळख झाली होती. आरोपीने पीडितेचे आणि अपहरण केले आणि नंतर अत्याचार केले. महिलेसोबत घडलेली आपबीती ऐकून पोलिसही हादरले.
कर्नाटकातील उडुपी जिल्ह्यात ही संतप्त घटना घडली आहे. मिळालेल्या माहितीनुसार, महिलेची आरोपीसोबत इन्स्टाग्राम ओळख झाली होती. त्यानंतर त्यांच्यात प्रेमसंबंध वाढले होते.
तक्रारीनुसार, शुक्रवारी म्हणजे २३ ऑगस्ट रोजी कारकला येथे ही घटना घडली. मधमाशी पालन होत असलेल्या ठिकाणी महिला उभी होती. तिथे आरोपी पांढऱ्या कारमधून आला आणि महिलेचे अपहरण केले. त्यानंतर आरोपी महिलेला जंगलात घेऊन गेला.
तिथे दुसऱ्या कारमधून आरोपीचे दोन मित्र मद्य घेऊन आले. आरोपीने बिअरमध्ये अमली पदार्थ मिसळला आणि महिलेला जबरदस्तीने पाजली. महिला बेशुद्ध झाल्यानंतर आरोपींनी आळीपाळीने कारमध्ये अत्याचार केला. सामूहिक बलात्कार केल्यानंतर आरोपी कारमधून महिलेला तिच्या घरी घेऊन आला.
यावेळी तिथे असलेल्या लोकांनी कारमध्ये बघितले. महिला बेशुद्धावस्थेत पडलेली दिसली. त्यांनी लगेच पोलिसांना या घटनेची माहिती दिली. पोलीस तातडीने तिथे आले. त्यांनी महिलेला लगेच उपचार आणि वैद्यकीय चाचणीसाठी रुग्णालयात नेले. चौकशी केल्यानंतर महिलेवर अत्याचार झाल्याची बाब समोर आली.
पीडितेच्या कुटुंबीयांनी या प्रकरणी पोलिसांत तक्रार दिली. अपहरण, बलात्कार आणि इतर कलमाखाली पोलिसांनी गुन्हा दाखल आरोपीला अटक केली. पोलिसांनी या प्रकरणाचा तपास सुरू केला आहे.
बदलापुरातील घटनेने महाराष्ट्रात संताप
बदलापुरातील शाळेत दोन मुलींवर शाळेतील सफाई कर्मचाऱ्यानेच अत्याचार केल्याची घटना घडली. हा प्रकार समोर आल्यानंतर जनक्षोभ बघायला मिळाला. या प्रकरणाचे पडसाद महाराष्ट्रभर उमटले आहेत. आरोपीला फाशीची शिक्षा देण्याची मागणी होत आहे.