Ahmedabad Plane Crash : "तू हो पुढे, मी हात धुवून येतो"; मित्र मेसमधून बाहेर पडला, पण आर्यन आतच राहिला, गमावला जीव

Ahmedabad Plane Crash : अहमदाबाद विमान अपघातात एमबीबीएसचा विद्यार्थी आर्यन राजपूतचा मृत्यू झाला आहे. आर्यन हा मध्य प्रदेशच्या ग्वाल्हेर येथील जिगसौली गावचा रहिवासी होता.

अहमदाबाद विमान अपघातात एमबीबीएसचा विद्यार्थी आर्यन राजपूतचा मृत्यू झाला आहे. आर्यन हा मध्य प्रदेशच्या ग्वाल्हेर येथील जिगसौली गावचा रहिवासी होता. आर्यन हॉस्टेलच्या मेसमध्ये जेवत होता तेव्हाच एअर इंडियाचे बोईंग ७८७ ड्रीमलायनर विमान त्याच्या हॉस्टेलवर कोसळलं. या अपघातामुळे आर्यनच्या कुटुंबाला आणि संपूर्ण गावाला धक्का बसला आहे.

१९ वर्षीय आर्यन राजपूतने पहिल्याच प्रयत्नात नीट परीक्षा उत्तीर्ण केली होती आणि एमबीबीएसमध्ये प्रवेश घेतला होता, तो त्याच्या कठोर परिश्रमासाठी ओळखला जात होता. अपघाताच्या दिवशी दुपारी १:३९ च्या सुमारास विमान हॉस्टेलवर आदळलं तेव्हा आर्यन मेसमध्ये जेवत होता. जेवल्यानंतर त्याने त्याचा मोबाईल त्याच्या मित्राला दिला आणि म्हणाला, "तू हो पुढे, मी हात धुवून येतो." मित्र मेसमधून बाहेर पडला, पण आर्यन आतच राहिला. विमान अपघाताने त्या क्षणी सर्व काही उद्ध्वस्त झालं.

"अपघात झाला कसा, एकाच वेळेला २ इंजिन कशी बंद पडली, सायबरच्या माध्यमातून हायजॅक केली का?"

अपघातानंतर लगेचच आर्यनच्या मित्राने त्याच्या मोबाईलद्वारे त्याच्या कुटुंबाला माहिती दिली की, आर्यन जखमी झाला आहे आणि त्याला आयसीयूमध्ये दाखल करण्यात आलं आहे. दुपारी २ वाजता ही बातमी मिळताच, आर्यनचे नातेवाईक अहमदाबादला रवाना झाले. पण तिथे पोहोचताच आर्यनचा मृत्यू झाल्याची माहिती मिळाली. आर्यनचं डॉक्टर होण्याचं स्वप्न आता अपूर्ण राहिलं आहे.

हृदयद्रावक! "MY LOVE...", विमान अपघातात गर्लफ्रेंडचा मृत्यू, डोळे पाणावणारा Video

अपघातात मृत्युमुखी पडलेल्या व्यक्तींचे नातेवाईक अहमदाबादमध्ये आपल्या जवळच्या व्यक्तीचे मृतदेह ताब्यात घेण्यासाठी आले असून त्याच्या आक्रोश हेलावून टाकत आहे. विमान अपघातात एका तरुणाने आपली गर्लफ्रेंड गमावली आहे. दुःखाने व्याकुळ झालेल्या तरुणाचा व्हिडीओ सध्या सोशल मीडियावर व्हायरल होत आहे. व्हिडीओ पाहून सर्वांचेच डोळे पाणावले आहेत. हॉस्पिटलच्या वेटिंग रूममध्ये हा तरुण आपल्या गर्लफ्रेंडचा मृतदेह ताब्यात घेण्यासाठी आला होता.