Lufthansa Hyderabad Flight : 'Lufthansa'च्या विमानाला हैदराबादमध्ये उतरण्याची परवानगी नाकारली, जर्मनीला परतलं; नेमकं प्रकरण काय?

Lufthansa Hyderabad Flight : फ्रँकफर्टहून हैदराबादला जाणाऱ्या लुफ्थांसाच्या विमानाला भारतीय हवाई हद्दीबाहेर असताना बॉम्बची धमकी मिळाल्यामुळे त्या विमानाला पुन्हा यु-टर्न घ्याला लागला.

Lufthansa Hyderabad Flight : रविवारी संध्याकाळी हैदराबादला जाणाऱ्या लुफ्थांसाच्या विमानाला यू-टर्न घेऊन फ्रँकफर्ट विमानतळावर परत उतरावे लागले. फ्लाइट LH752 जर्मनीहून निघाली होती. सोमवारी सकाळी हैदराबादच्या राजीव गांधी आंतरराष्ट्रीय विमानतळावर उतरण्याचे नियोजन होते. पण, अचानक या विमानाला मागे वळावे लागले. 

Air India Plane Crash: चित्रपट निर्माता बेपत्ता! विमान पडलेल्या ठिकाणाजवळ मोबाइलचं शेवटचं लोकेशन

लुफ्थांसाच्या एअरलाइन्सने सांगितले की, आम्हाला हैदराबादमध्ये उतरण्याची परवानगी मिळाली नाही. म्हणूनच विमानाने यू-टर्न घेतला आणि परतले. "विमान भारतीय हवाई हद्दीबाहेर असताना बॉम्बची धमकी मिळाल्याने विमान त्याच्या मूळ जागेवर परतले," असे अधिकाऱ्यांनी सांगितले. 

#UPDATE | An official from Hyderabad Airport confirms that the flight returned to its origin (Germany), stating that a bomb threat was received while the aircraft was still outside Indian airspace.

— ANI (@ANI) June 16, 2025

नेमकं प्रकरण काय?

१५ जून २०२५ रोजी संध्याकाळी ६.०१ वाजता हैदराबाद विमानतळावरील लुफ्थांसा फ्लाइट LH 752 ला बॉम्ब धोक्याचा ईमेल मिळाला. बॉम्ब धमकीनंतर, एक समिती स्थापन करण्यात आली आणि SOP नुसार सर्व प्रक्रियांचे पालन करण्यात आले. सुरक्षिततेच्या दृष्टीने, विमान कंपनीला मूळ ठिकाणी किंवा जवळच्या योग्य विमानतळावर परतण्याचा सल्ला देण्यात आला.

तिरुअनंतपुरममध्ये ब्रिटिश लढाऊ विमान F-35 चे आपत्कालीन लँडिंग

तिरुअनंतपुरम आंतरराष्ट्रीय विमानतळावर शनिवारी रात्री ब्रिटिश लढाऊ विमान-35 चे आपत्कालीन लँडिंग करण्यात आले आहे. इंधन संपल्यामुळे विमानाचे आपत्कालीन लँडिंग करण्यात केले आहे. 

विमानाने विमानवाहू जहाजावरून उड्डाण केले आणि रात्री ९:३० च्या सुमारास सुरक्षितपणे उतरले. वैमानिकाने कमी इंधनाची माहिती दिली आणि उतरण्याची परवानगी मागितली. केंद्र सरकारमधील संबंधित अधिकाऱ्यांकडून मंजुरी मिळाल्यानंतर इंधन भरण्याचे काम केले जाईल.

F-35 हे जगातील सर्वात धोकादायक लढाऊ विमान आहे. हे अत्याधुनिक पाचव्या पिढीचे स्टेल्थ लढाऊ विमान सध्या इंडो-पॅसिफिक प्रदेशात तैनात आहे. ते जगातील सर्वात धोकादायक लढाऊ विमान मानले जाते. अलीकडेच त्यांनी भारतीय नौदलासोबत संयुक्त लष्करी सरावातही भाग घेतला. हे पाचव्या पिढीचे लढाऊ विमान ब्रिटिश युद्धनौका एचएमएस प्रिन्स ऑफ वेल्सच्या वाहक स्ट्राइक गटाचा भाग आहे, हे सध्या ऑपरेशनमध्ये आहे.