लेडी डॉन अनुराधा चौधरीला आई व्हायचेय; गँगस्टरने तिहारमधून शुक्राणू पाठविले...

आतापर्यंत असा प्रकार क्वचितच घडला असेल. गँगस्टर पती तुरुंगात कैद आणि त्याची पत्नी ती सुद्धा गँगस्टर बाहेर खुलेआम फिरत आहे.

मार्चमध्ये न्यायालयाच्या परवानगीने दोन गँगस्टरचे लग्न झाले आहे. आता या गँगस्टर दाम्पत्याला आपला वंश पुढे चालवायचा आहे. म्हणून लेडी डॉन असलेली पत्नी अनुराधा चौधरी आयव्हीएफ करणार आहे. लग्नाला परवानगी देणाऱ्या कोर्टानेच आता यासाठी देखील परवानगी दिली आहे. 

आतापर्यंत असा प्रकार क्वचितच घडला असेल. गँगस्टर पती तुरुंगात कैद आणि त्याची पत्नी ती सुद्धा गँगस्टर बाहेर खुलेआम फिरत आहे. त्यांचे लग्न ते आता त्यांचे अपत्य यासाठी ना सुहागरात ना शरीरसंबंध ठेवता आले. पण त्यांना आयव्हीएफद्वारे मुल होणार आहे. संदीप उर्फ काला जठेड़ी मार्चमध्ये पती बनला आता बापही बनण्याची शक्यता आहे. 

काला जठेडी आणि अनुराधा चौधरीचे लग्न झाले आहे. परंतू, ते लग्नानंतर एकमेकांसोबत राहू शकले नाहीत. कारण काला जठेडी तुरुंगात शिक्षा भोगत आहे. मग मुल कसे जन्माला येणार, वंश कसा वाढणार याच्या चिंतेने दोघांचीही झोप उडाली आहे. यामुळे या दोघांनी आयव्हीएफचा मार्ग पत्करला आहे. अतिरिक्त सत्र न्यायाधीश (एएसजे) दीपक वासन यांनी संदीप उर्फ ​​काला जठेडीचा अर्ज स्वीकारला असून जठेडीचे शुक्राणू घेण्यात आले आहेत. वासन यांनी ९ जून रोजी आदेश दिले होते. 

नमुना घेताना संपूर्ण गोपनीयता पाळली जाणार होती. जठेडीने ६ तासांच्या अंतरिम जामिनाची मागणी केली होती. त्याला आयव्हीएफसाठी हॉस्पिटलमध्ये जायचे होते. परंतू, कोर्टाने त्याची तुरुंगातच सोय करून दिली. न्यायालयाने एम्स आणि आरएमएल रुग्णालयाकडूनही अहवाल मागितला होता. एम्सने तुरुंगात हे काम करता येईल असे म्हटले होते. यामुळे जठेडीला बाहेर जाता आले नाही. गुरुग्रामच्या आयव्हीएफ सेंटरमध्ये लेडी डॉनवर आयव्हीएफ ट्रिटमेंट केली जात होती. तिथेच हे शुक्राणू नेण्यात आले आहेत.