नौदलाच्या ग्लायडरला भीषण अपघात, दोन अधिकाऱ्यांचा मृत्यू
By ऑनलाइन लोकमत | Published: October 4, 2020 01:18 PM2020-10-04T13:18:10+5:302020-10-04T13:27:36+5:30
Kerala's Kochi Glider Crash : अपघातात लेफ्टनंट राजीव झा (39) आणि पेटी ऑफिसर सुनील कुमार (29) यांचा या मृत्यू झाला आहे.
नौदलाच्या ग्लायडरला भीषण अपघात, दोन अधिकाऱ्यांचा मृत्यू
नवी दिल्ली - केरळच्या कोचीमध्ये नौदलाच्या ग्लायडरला भीषण अपघात झाल्याची घटना समोर आली आहे. या अपघातात दोन नौदल अधिकाऱ्यांचा मृत्यू झाला आहे. नौदलाने दिलेल्या माहितीनुसार, केरळच्या कोची जिल्ह्यात रविवारी (4 ऑक्टोबर) सकाळी थोप्पुम्पदी पूलाजवळ एका ग्लायडरला अपघात झाला. या अपघातात लेफ्टनंट राजीव झा (39) आणि पेटी ऑफिसर सुनील कुमार (29) यांचा मृत्यू झाला आहे.
कोची येथील नौदलाच्या बेसवरून पॉवर ग्लायडरने लेफ्टनंट राजीव झा आणि सुनील कुमार हे रवाना झाले होते. नियमित प्रशिक्षणादरम्यान आयएनएस गरुडवरुन आकाशात झेप घेतलेल्या ग्लायडरला अपघात झाला. या दुर्घटनेत दोन्ही अधिकारी गंभीर जखमी झाले असल्याने त्यांना तातडीने आयएनएचएस संजीवनी रुग्णालयात दाखल करण्यात आले होते. मात्र डॉक्टरांनी त्यांना मृत घोषीत केलं आहे. नौदलाने या प्रकरणी चौकशीचे आदेश दिले आहेत. एका हिंदी वेबसाईटने याबाबतचे वृत्त दिले आहे.
Kerala: Lt Rajeev Jha and Petty Officer Sunil Kumar, onboard a naval power glider, lost their lives after it crashed near Thoppumpady bridge near naval base this morning. It was on routine training sortie & took off from INS Garuda. Southern Naval Command orders Board of Inquiry. pic.twitter.com/pCDuoN5GLi
— ANI (@ANI) October 4, 2020
