Karnataka Accident: कारचालकाचं नियंत्रण सुटलं अन् होत्याचं नव्हतं झालं; विचित्र अपघातात ७ जण ठार!

Karnataka Hoskote-Dabaspet Highway Accident: बंगळुरूजवळील होस्कोट-दबासपेटे राष्ट्रीय महामार्गावर तीन वाहनांत विचित्र अपघात घडला, ज्यात सात जणांचा जागीच मृत्यू झाला.

बंगळुरूजवळील होस्कोट-दबासपेटे राष्ट्रीय महामार्गावर शुक्रवारी पहाटे एक अंगाचा थरकाप उडवणारी घटना घडली. होस्कोट-दबासपेटे राष्ट्रीय महामार्गावरील एम. सत्यावरा गावाजवळ अनेक वाहनांच्या झालेल्या विचित्र अपघातात ७ जणांचा जागीच मृत्यू झाला. या घटनेने परिसरात एकच खळबळ माजली आहे.

मिळालेल्या माहितीनुसार, हा अपघात पहाटेच्या सुमारास घडला. होस्कोटहून देवनहल्लीच्या दिशेने जाणाऱ्या एका वेगवान एसयूव्ही कारने दुचाकीला मागून जोरात धडक दिली. या धडकेनंतर एसयूव्ही चालकाचे वाहनावरील नियंत्रण सुटले आणि ही कार समोरील एका ट्रकला जाऊन धडकली. या भीषण अपघातात कारमधील सहा आणि दुचाकीस्वार अशा एकूण सात जणांचा जागीच मृत्यू झाला.

VIDEO | Karnataka: Seven people killed in a series of collisions between canter truck, bike and a car on Hoskote-Dabaspet National Highway.#KarnatakaNews

(Source: Third Party)

(Full video available on PTI Videos - https://t.co/n147TvrpG7) pic.twitter.com/ZbZWpo6PxC

— Press Trust of India (@PTI_News) February 13, 2026

प्राथमिक माहितीनुसार, मृत व्यक्ती बेंगळुरूमधील कोठानूर येथील रहिवासी असल्याची प्राथमिक माहिती आहे, मात्र अद्याप त्यांची अधिकृत ओळख पटलेली नाही. पोलिसांनी सर्व मृतदेह शवविच्छेदनासाठी होस्कोट येथील सरकारी रुग्णालयात पाठवले आहेत. होस्कोट पोलिसांनी याप्रकरणी अपघाताची नोंद केली असून पुढील तपासाला सुरुवात केली आहे.