नवी दिल्ली- आठवड्याभराच्या दौऱ्यासाठी भारतात आलेल्या कॅनडाचे पंतप्रधान जस्टीन ट्रुडो यांची पंतप्रधान नरेंद्र मोदी यांनी भेट घेतली. अहमदाबाद. मथुरा, आग्रा, मुंबई, अमृतसर असे भारतातील विविध शहरांमध्ये भ्रमण झाल्यानंतर जस्टीन ट्रुडो यांचे राजधानी नवी दिल्लीमध्ये पुन्हा आगमन झाले त्यानंतर त्यांच्या दौऱ्याच्या सहाव्या दिवशी आज पंतप्रधान नरेंद्र मोदी यांनी त्यांची भेट घेतली. त्याबरोबरच परराष्ट्रमंत्री सुषमा स्वराज यांच्याशीही त्यांनी चर्चा केली. दोन्ही देशांनी विविध विषयांवर केलेल्या सहा सामंजस्य करारांवर स्वाक्षऱ्याही केल्या.
पंजाबी नेत्यांनी विशेषत: मुख्यमंत्री कॅप्टन अमरिंदर सिंग यांनी वारंवार प्रश्न उपस्थित करुनही अशा चुका ट्रुडो यांच्या दौऱ्यात होत राहिल्या. त्यामुळे या दौऱ्यात गुंतवणूक, उद्योग, व्यवसाय, संरक्षण अशा महत्त्वाच्या विषयांवर कितपत मंथन झाले व त्यातून काय निष्पन्न झाले हे कोडेच असेल. या दौऱ्यामुळे भाजपा आणि काँग्रेस मात्र एका मुद्द्यावर तरी एकत्र आल्याचे दिसून आले. खलिस्तानला खतपाणी मिळत असेल तर ते आजिबात खपवून घेतले जाणार नाही असा कडक संदेश पंतप्रधान नरेंद्र मोदी आणि कॅ. अमरिंदर सिंग यांच्या वर्तनातून गेला आहे.