"JJD हा लालूंचा खरा पक्ष"; राजद विलीनीकरणावर तेजप्रताप यांची तेजस्वींना थेट ऑफर

तेज प्रताप यादव यांनी जनशक्ती जनता दल हा लालू यादवांचा खरा पक्ष असल्याचे म्हटले आणि त्यांचे भाऊ तेजस्वी यांना राष्ट्रीय जनता दल जेजेडीमध्ये विलीन करण्याची ऑफर दिली.

बिहार विधानसभा निवडणुकीपूर्वी ज्येष्ठ नेते लालू प्रसाद यादव यांचा मुलगा तेजस्वी यादव यांनी वेगळा पक्ष स्थापन केला. यानंतर राजकीय वर्तुळात खळबळ उडाली होती, दोन्ही मुलांनी एकमेकांविरोधात निवडणुका लढल्या होत्या. दरम्यान, आता जनशक्ती जनता दलचे अध्यक्ष तेजप्रताप यादव यांनी त्यांचे धाकटे बंधू आणि बिहार विधानसभेतील विरोधी पक्षनेते तेजस्वी यादव यांना त्यांच्या पक्षाचे, राष्ट्रीय जनता दलाचे विलीनीकरण करण्याची ऑफर दिली आहे. मकर संक्रांतीच्या निमित्ताने त्यांच्या पाटण्यातील निवासस्थानी आयोजित दही-चुरमाच्या मेजवानीत त्यांनी आरजेडीचे नाव न घेता जयचंदांचा पक्ष असल्याचे वर्णन केले. लालू प्रसाद यादव यांचा खरा पक्ष जेजेडी आहे असेही ते म्हणाले. तेजप्रताप यांच्या विधानामुळे बिहारमधील राजकीय वातावरण तापले आहे.

"विना परवाना शस्त्र वाटणार, ज्याला हवं त्याने..."; योगी सरकारच्या मंत्र्याचं धक्कादायक विधान

बुधवारी, तेज प्रताप यांचे वडील आणि राजद प्रमुख लालू प्रसाद यादव यांनी पाटणा येथील त्यांच्या निवासस्थानी भेट दिली आणि दही-चुडा समारंभाला उपस्थिती लावली. समारंभात त्यांनी त्यांच्या मोठ्या मुलाला आशीर्वाद दिला आणि तेज प्रताप यांच्याबद्दल त्यांचा कोणताही राग नसल्याचे सांगितले. तेज प्रताप यांनी त्यांच्या धाकट्या भावालाही दही-चुडा मेजवानीसाठी आमंत्रित केले होते. 

तेजप्रताप यांनी तेजस्वी उशिरा उठतात असे म्हटले. त्यांच्याभोवती जयचंद समर्थक असतील. ते रात्री ९ वाजेपर्यंत त्यांची वाट पाहतील. पत्रकारांनी त्यांना तेजस्वी यादव यांच्यासोबतच्या त्यांच्या मतभेदाबद्दल विचारले असता तेजप्रताप म्हणाले, "जा आणि त्यांना विचारा की त्यांना यायचे आहे का. आम्ही त्यांना आमंत्रित केले आहे. वडील आले आहेत, यापेक्षा मोठे काय असू शकते? त्यांना त्यांच्या पालकांचे आणि सर्वांचे आशीर्वाद आहेत, असंही ते म्हणाले.

कुटुंबातील कलह उघड - भाजप

लालू यादव यांच्या कुटुंबातील कलह उघड असल्याची टीका प्रवक्ते नीरज कुमार केली. तेज प्रताप यादव यांच्या दही-चुरमाच्या मेजवानीने लालू कुटुंबातील अंतर्गत कलह उघड केला आहे. तेज प्रताप यांनी तेजस्वींना आरसा दाखवला आणि सांगितले की हा लालूंचा खरा पक्ष आहे. असे सांगून त्यांनी त्यांच्या धाकट्या भावाला त्यांचे राजकीय स्थान दाखवले, असंही ते म्हणाले.