Video: जम्मू-काश्मीर: खामेनेईंच्या समर्थनार्थ मेहबूबा मुफ्तींनी जाळले ट्रम्प अन् नेतन्याहूंचे पोस्टर

इराणवरील हल्ल्याच्या निषेधार्थ श्रीनगरमध्ये आंदोलन;

श्रीनगर: इराणवर इस्रायल आणि अमेरिकेने केलेल्या हल्ल्याच्या निषेधार्थ जम्मू-कश्मीरमध्ये अनेक ठिकाणी आंदोलन करण्यात आले. पीपल्स डेमोक्रॅटिक पार्टी (PDP) च्या अध्यक्षा आणि जम्मू-कश्मीरच्या माजी मुख्यमंत्री मेहबूबा मुफ्ती यांनी बुधवारी (4 मार्च 2026) श्रीनगरमध्ये निषेध आंदोलन केले. या आंदोलनादरम्यान मेहबूबा यांनी इस्रायलचे पंतप्रधान बेंजामिन नेतन्याहू आणि अमेरिकेचे राष्ट्राध्यक्ष डोनाल्ड ट्रम्प यांच्या पोस्टर्सना आग लावून निषेध व्यक्त केला. यावेळी पक्षाचे अनेक कार्यकर्ते उपस्थित होते.

#WATCH श्रीनगर, जम्मू-कश्मीर: PDP प्रमुख महबूबा मुफ्ती ने दूसरे PDP नेताओं के साथ मिलकर ईरान में हाल के हमलों और अयातुल्ला खामेनेई की हत्या के बीच अमेरिका के राष्ट्रपति डोनाल्ड ट्रंप और इज़राइल के प्रधानमंत्री बेंजामिन नेतन्याहू के पोस्टर जलाए। pic.twitter.com/5LFR54rxaQ

— ANI_HindiNews (@AHindinews) March 4, 2026

अमेरिका-इस्रायलविरोधात घोषणाबाजी

आंदोलनादरम्यान कार्यकर्त्यांनी हातात पोस्टर्स घेत अमेरिका आणि इस्रायलविरोधात घोषणाबाजी केली. काही समर्थकांनी इराणचे सर्वोच्च नेते अयातुल्ला अली खामेनेई यांचे पोस्टर्सही हातात घेतले होते. मेहबूबा मुफ्ती यांनी आंदोलनाचा व्हिडिओ सोशल मीडियावर शेअर करत लिहिले की, जे लोक तुमच्या सोबत शांततेने उभे आहेत, त्यांच्या सोबत मी उभी आहे आणि जे तुमचा विरोध करतात, त्यांचा शेवटपर्यंत विरोध करीन.

Just because GOI & NC government in Jammu & Kashmir have chosen to remain silent on the blatant aggression by US and Israel against Iran and the martyrdom of its Supreme Leader doesn’t mean that those who speak out are offenders to be booked under the law.

The FIR against Aga…

— Mehbooba Mufti (@MehboobaMufti) March 4, 2026

आगा रुहुल्लाह आणि जुनैद मट्टूवरील FIR वर टीका

यावेळी मेहबूबा मुफ्ती यांनी खासदार आगा रुहुल्लाह आणि जुनैद मट्टू यांच्याविरोधात दाखल केलेल्या FIR चीही तीव्र निंदा केली. त्यांनी सोशल मीडियावर पोस्ट करत म्हटले की, भारत सरकार किंवा स्थानिक प्रशासनाने अमेरिके-इस्रायलच्या कथित हल्ल्याबाबत मौन बाळगले म्हणून आवाज उठवणाऱ्यांना गुन्हेगार ठरवणे योग्य नाही. त्यांनी या दोन्ही नेत्यांविरोधातील FIR तत्काळ मागे घ्यावी अशी मागणी केली.